Журналист

Википедий — эрыкан энциклопедий гыч материал
Алёна Иванова, "Марий Эл" ГТРК-н журналистше интервьюшто.

ЖурналистСМИ пашаеҥ; периодик изданийлаште публицист-сылнымут аланыште тыршыше еҥ. «Журналист» мутын ыҥже-влак «СМИ» терминын ыҥже дечын шога. Кызытсе саманыште интернет сайтыште возгалыше айдемат журналистлан шотлалт кертеш. Ты годым сайтше СМИ-влак радамышке пурышаш. Тӱҥ шотышто журналист текстым ямдыла. Тудым ончышо, колышто, лудшо-влаклан темла. Журналистикым "нылымше власть" маныт, сандене журналистын пашаже моткоч виянлан шотлалтеш.

Оригинал:

«под журналистом понимается лицо, занимающееся редактированием, созданием, сбором или подготовкой сообщений и материалов для редакции зарегистрированного средства массовой информации, связанное с ней трудовыми или иными договорными отношениями либо занимающееся такой деятельностью по ее уполномочию;»

ЗАКОН «О СРЕДСТВАХ МАССОВОЙ ИНФОРМАЦИИ» 2-шо статья.

Российысе Федерал Тӧртык «журналист» понятийым тыге умылтара: журналист — регистрацийым эртыше средство массовой информации-н редакцийланже материал да увертарымаш-влакым ямдылыше, погышо, возышо, тӧрлатыше еҥ.

Ушем-влак[тӧрлаташ]

Моло профессионал-влак семынак журналист-влакым ушышо ушем-влакышке чумыргат. Марий Элыште эн кугу организацийлан «Марий Эл Республикысе журналист-влакын Ушемышт шотлатеш» («Союз журналистов Республики Марий Эл»). Россий кӱкшытысӧ ушем-влак улыт. Тӱнямбал кӱкшытысӧ ушем-влак кокшлаште палемдыман:

  • Калык-влак кокласе журналист федераций (рушла Международная организация журналистов (МОЖ), англичанла International Organization of Journalists (IOJ))

Тыгак ончо[тӧрлаташ]