27 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
2014 ий

27 Сорла — григориан кечышот почеш идалыкын 239-ше (кужемдыме ийлаште 240) кечыже. Идалык пытыме марте 126 кече кодеш.

Пайрем-влак[тӧрлаташ]

  • Российысе кино кече палемдалтеш.

Лӱмгече[тӧрлаташ]

Сорла тылзын коло шымше кечынже Аркадий, Михей, Феодосий – влакын лӱм кечышт.

Мо лийын[тӧрлаташ]

Тыгак ончо: Категорий:27 Сорла Мо лийын

  • 1940-ше ийыште Америкыште тӱрлӧ тӱсан телевиденийын кузе пашам ыштымыже нерген палдареныт.
  • 1955-ше ийыште Английыште Гиннес рекорд книган икымше экземплярже лектын.
  • 1966-шо ийыште Англий гыч Френсис Чичэстер тӱня мучко пуш дене савырнаш путешествийыш лектын.
  • 1971-ше ийыште «Марийская правда» газетым «Знак Почёта» орден дене палемденыт.

Кӧ шочын[тӧрлаташ]

Тыгак ончо: Категорий:27 Сорла Кӧ шочын

  • 1937 — Василий Михайлович Регеж-Горохов, марий поэт, прозаик, драматург, Россий Федерацийын сулло да Марий республикын калык артистше, кундемнан калык поэтше Шочынжо тудо Куженер кундем Регеж ялыште. Актёр пашалан ГИТИС-ыште тунемын да ӱмыржӧ мучко Марий кугыжаныш драмтеатрыште тыршен. Тӱрлӧ деч тӱрлӧ рольым чоҥен. Тыгак Василий Михайлович ынде пел курым наре писатель да поэт семынат палыме. Тачысе кече марте тудын 20 наре книгаже уло. Поснак «Чаҥ», «Тау», «Вож» книга-влакшым палемдыме шуэш ыле. Кумдан палыме руш классик А. С. Пушкинын возымо «Евгений Онегин» поэмыжымат марлашке кусарен.
  • 1913Николай Кириллович Кокорин, лётчик. Мари-Турек кундем Лом ялыште шочын. Икымше гана южышто неле пилотаж фигурым ыштен. Рушлаже ты фигурым «Мёртвая петля» маныт. Мемнан кундемын шочшыжо тӱнямбалне тыгай фигурым ыштыше икымше лийын.
  • 1953Иван Германович Хлебников, партий да кугыжаныш вуйлатыше, Марий Элын сулло / ял озанлыкын пашаеҥже. Ончыч У Торъял, вара Шернур кундем-влак комитетлаште шуаралтын, 1990-ше ий гыч кугыжаныш пашаке куснен. 5 ий Марий Эл виктер вуйлатышын алмаштышыже да тыгодымак ял озанлык министр лийын. 2006-шо ийыште Марий кугыжаныш университетыште проректор сомылым шукташ тӱҥалын. 20 наре шанче пашан авторжо. Ял озанлык шанче кандидат.
  • 1954 — Николай Иванович Васин, тазалык аралтыш пашаеҥ, Россий Федерацийын сулло эмлызыже. Брянск велыште шочын, Марий Элыште шке суапле пашаж дене кугу пагалымашым сулен. Паша корныжо Йошкар-Оласе эмлыме вер дене кылдалтын: тыште тудо тӱҥ эмлызе мартеат кушкын. Ятыр изобретенийын авторжо, кудышт кокла гыч «Надежда» аппаратшым палемдыман – тидланже тудо кугыжаныш премий денат палемдалтын. Медицин шанче кандидат.
  • 1967Валерий Николаевич Максимов, туныктыш да шанче пашаеҥ. Шочынжо тудо Шернур кундем Тулгем ялыште. Ынде ятыр ий Марий кугыжаныш университетыште пашам ышта. Филологий шанче кандидат.
  • 1989Вадим Александрович Протасов (Санюн Вадик), журналист, радиовӱдышӧ, сылнымут пашаеҥ, сарзе еҥ. Марий Эл радион вӱдышыжӧ семын 2008 ий гыч тырша. Вадим Александрович Протасов Киров вел Пыжанъю кундемыште шочын-кушкын. Шинчымашым Вӱлеҥер школышто поген. Латик классым тунем лекмек, Йошкар-Олашке толын. Журналист специальностьым налын, тыгак сымыктыш да тӱвыра колледжын театральный отделенийыште режиссёрлан заочно шинчымашым налын.

Кӧ колен[тӧрлаташ]

Тыгак ончо: Категорий:27 Сорла Кӧ колен

Калык пале[тӧрлаташ]

Михейын кечыже. Ожно тиде кече каменщик-влакын кугу пайремыштлан шотлалтын: поснак коҥгам оптышо-влакым саламленыт. Нунылан поро шомакым каласеныт, уке гын, коҥга оптышо ӱчымат ыштен кертеш – маныныт.