26 Пеледыш

Википедий — эрыкан энциклопедий гыч материал
Пеледыш
Шч Кш Вр Из Кг Шм Рш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
2014 ий

26 Пеледышгригориан кечышот почеш идалыкын 177-ше (кужемдыме ийлаште 178) кечыже. Идалык пытыме марте 188 кече кодеш.

Пайрем-влак[тӧрлаташ]

Пеледыш тылзын коло кудымшо кечынже наркоманий ваштареш кучедалме кече палемдалтеш.

Лач тиде кечын 1938-ше ийыште Марий АССР-ын кӱшыл погыныш икымше созыв сайлымаш эртен.

Тыгак тиде кечын 29 ий ончыч Козьмодемьянск олаште Кава йымалсе этнографий тоштерым почыныт.

Лӱмгече[тӧрлаташ]

Пеледыш тылзын коло кудымшо кечынже Александр, Андрей, Анна, Антонина, Даниил, Иван, Пелагея, Яков, Павел – влакын лӱм кечышт.

Мо лийын[тӧрлаташ]

Тыгак ончо: Категорий:26 Пеледыш Мо лийын

  • 1942 ийыште Гвардейский краснознамённый танк дивизийым ыштыме.
  • 1945 ийыште Совет Ушемын Генералиссимус званийым пуртымо.

Кӧ шочын[тӧрлаташ]

Тыгак ончо: Категорий:26 Пеледыш Кӧ шочын

  • 1926 — Юрий Николаевич Венценосцев, шанчыеҥ, чодыра озанлык пашаеҥ, Марий республикысе техникын да шанчын сулло пашаеҥже. Марий Тӱрек кундем Марий Пыламарий ялыште шочын. Кӱшыл шинчымашым чодыра техник институтышто налын да тыштак паша вержым муын: чодыра эксплуатаций да машин технологий кафедрын профессоржо лийын. 60 утла шанче пашан, 8 книган, 15 конструктор пашан авторжо. Юрий Николаевич шанчыеҥ семын гына огыл, скульптор, сӱретче да фотограф семынат кумдан чапланен.
  • 1941 — Василий Ильич Ильин, Марий Элын туныктышын сулло пашаеҥже. Шкеже Юлсер кундем Шайра ял гыч. Уста туныктышын паша корныжо Сотнур кыдалаш школышто тӱҥалын: ончыч историй предмет дене туныктышылан, вара вуйлатышыланат пашам ыштен. Умбакыже паша корныжо министерствышке конден, а 1988-1992-шо ийлаште Василий Ильич республикысе туныктыш министр лийын. Пытартыш ийлаште тудо Йошкар-Оласе техникумын вуйлатышыже сомылым шуктен шоген..
  • 1954 — Зинаида Сергеевна Артюшкина, туныктыш пашаеҥ. Йошкар-Оласе тӱрлӧ школлаште туныктышылан тыршыме деч вара Марий туныктыш институтышто методистлан тыршаш тӱҥалын. Тыгодымак Зинаида Сергеевна «Пеледыш», «Марий памаш» ансамбльлаште шуаралтын. Кызыт тудо «Марий туныктышо» мер ушемын вуйлатышыже.
  • 1960Галина Никитьевна Бояринова, туныктыш да шанче пашаеҥ. Шкеже У Торъял кундем Кемсола ял гыч. Ынде ятыр ий уста специалист Марий кугыжаныш университетыште пашам ышта, марий сылнымут кафедрын доцентше улеш. Филологий шанче кандидат.
  • ????Михаил Басов «Каче-влак» группын эн самырык солистше палемда. Тудо шкеже Кужэҥер кундем Шорсола гыч. Шукерте огыл ешаҥын.

Кӧ колен[тӧрлаташ]

Тыгак ончо: Категорий:26 Пеледыш Кӧ колен

Калык пале[тӧрлаташ]

  • Акулинан кечыже. Ты кечын шемшыдаҥ пучымышым шолтеныт. Калык палымат эскереныт: ӱвыра шуко гын, игече сай лиеш.