1 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
2014 ий

1 Сорла — григориан кечышот почеш идалыкын 213-шо (кужемдыме ийлаште 214) кечыже. Идалык пытыме марте 152 кече кодеш.

Пайрем-влак[тӧрлаташ]

  • Россий Федерацийысе Сарзе Вий тылын кечыже палемдалтеш.
  • Инкассатор кече.

Лӱмгече[тӧрлаташ]

Сорла тылзын икымше кечынже Роман да Степан-влакын лӱм кечышт.

Мо лийын[тӧрлаташ]

Тыгак ончо: Категорий:1 Сорла Мо лийын

  • 1774-ше ийыште молекуляр кислородым луктыныт.
  • 1903-шо ийыште Серафим Саровскийым Шнуй-влак радамыш пуртымо.
  • 1964-ше ийыште «Маяк» радиостанцийын икымше эфирже лийын.

Кӧ шочын[тӧрлаташ]

Тыгак ончо: Категорий:1 Сорла Кӧ шочын

  • 1939 — Геннадий Апаевич Апаев, туныктыш пашаеҥ, Марий Элын сулло шанчыеҥже. Пошкырт Эл Мишкан кундемыште шочын. Йошкар-Олашке 1969-ше ийыште толын да витамин заводышто конструкторлан пашам ышташ тӱҥалын. Но умбакыже шинчымашым пойдараш шонен пыштен да Москосо экономик институтыш тунемаш пурен. Вара Иваново оласе институтышто туныктышо лийын, а 1994-ше ий гыч Марий кугыжаныш техник университетыште пашам ышташ тӱҥалын. 100 утла шанче пашан, пособийын да монографийын авторжо.
  • 1942Валерий Степанович Патрушев, шанче-археолог, Марий Элын сулло шанчыеҥже. Шернур кундем Шӱкшер ялыште шочын. Моло изаже Геннадий ден Анатолий семынак Валерий Степанович кӱшыл шинчымашым Марий кугыжаныш педагогик институтышто налын да шанче корнышко шогалын. Геннадий ден Анатолий йылмызе да историк лийыныт гын, Валерий археологий деке шӱмаҥын. Тӱҥ шотышто шанчыеҥ Финно-угор калыкын тӱвыражым да историйжым шымлен. 200 наре шанче пашан авторжо. Историй шанче доктор.
  • 1951Зинаида Романовна Зорина, муниципал пашаеҥ. Шернур кундемыште шочын. Паша корныжо школыштат, кундемысе комитетыштат эртен. Но 1981-ше ий гыч тудо райисполкомышто секретарьлан шогалын, а 4 ий гыч вуйлатышын алмаштышыже лийын, 1992-шо ий гыч Шернур кундемысо администраций вуйлатышын алмаштышыжлан шогалын да 14 ий ты сомылымак шуктен шоген. А кызыт ветеран-влакын ушемыштым вуйлата.
  • 1954Хатиф Гараевич Вафинлан, ял озанлык специалист, Марий Элын сулло агрономжо, Россий Федераций ял озанлыкын сулло пашаеҥже. Шкеже Параньга кундем Куянково ял гыч. 14 ий Калинин лӱмеш колхозышто тӱҥ агрономлан тыршыме деч вара, «Марийхлебопродукт» ушемын вуйлатышыжлан шогалын, 2005-ше ий гыч «Хлебснаб» ушемын вуйлатышыже лийын.
  • 1968Илья Леонтьевич Акчурин, кугыжаныш пашаеҥ. Чуваший кундемын эргыже чын паша вержым марий кундемыште муын: ӱмаште тудо Марий Эл республикын тӱҥ федерал инспекторжо лийын.
  • 1962Августа Владимировна Романова, артист да журналист. Шкеже Тошто Торъял села гыч. Театрыштат уста артистка тӱрлӧ рольым чоҥен, ончаш толшо калыклан шке оҥайлыкше дене шарнымашеш кодын. Тыгак Августа Владимировна эстрада концертлам вӱдымыж дене чапланен, ий еда эртаралтше «Воштылаш, товатат, сулык огыл» мыскара конкурсымат тудак вӱда. Ятыр ий ынде радиошто пашам ышта.

Кӧ колен[тӧрлаташ]

Тыгак ончо: Категорий:1 Сорла Кӧ колен

Калык пале[тӧрлаташ]

  • Макринан кечыже. Ожно лӱмат тыгай лийын. Южо шонымаш почеш, тиде кечын эре йӱр йӱрын, сандене лӱмжымат Мокрый манын пуэныт. Макринан кечын игече могай – шыжат тугай лиеш – маныныт.