7 пеледыш

7 пеледыш (7 июнь) — григориан кечышот почеш идалыкын 158-ше (кужемдыме ийлаште — 159-ше) кечыже. Идалык пытыме марте 207 кече кодеш.

Пайрем да памятный дате-влак

• 1957 — Марий АССР-ын кӱшыл погынжо «Калык писатель» да «Калык поэт» чап лӱм-влакым пеҥгыдемден.
• Киргизий финансист ден экономист-влакын пайремышт палемдалтеш
• Хорватийыште дипломатын кечыжым пайремлат!

Лӱмгече

Пеледыш тылзын шымше кечынже Иван, Вячеслав, Роберт–влакын лӱм кечышт.

Событий-влак

Тугак ончо: Категорий:Пеледыш тылзын 7 кечысе событий-влак

• 1631 — Индийыште Тадж-Махал мавзолейым чоҥаш тӱҥалыныт.
• 1990 — Чыла Русьын да Москван патриархшылан Алексий Кокымшо шогалын.

Шочыныт

Тугак ончо: Категорий:Пеледыш тылзын 7 кечынже шочшо-влак

• ???? —Валерий Геннадьевич Юдин, шанче да туктыш пашаеҥ, Россий Федерацийын сулло конструкторжо. Йошкар-Олашке 1969-ше ийыште толын да Марий кугыжаныш техник университетыште пашам ышташ тӱҥалын. Мланде пургедме машина-влакым кучылмаште кугу специалистлан шотлалтеш. 80 наре шанче пашан авторжо. Тудын пашажым аклен, Марий Эл кугыжаныш премий дене палемденыт.
• 1922 — Николай Фёдорович Фоминых, мланде озанлык пашаеҥ, Россий Федерацийын сулло мландым тӧрлатыже. Оршанка район Овечкино ялыште шочын. Кугу Ачамланде сар корным эртымек, Маскасола кундемысо ял озанлык кучемыште тыршен, вара тӱҥ инженер лийын: 12 ий ты сомылым шуктен шоген.
• 1970 — Серафима Ивановна Апсатарова, марий йылмызе, филологий шанче кандидат (1999), доцент (2008).
• 1977 — Артём Михайлович Асмаев, актёр, Марий Элын сулло артистше. Пошкырт Элыште шочын. Лу ий утла тудо Шкетан лӱмеш кугыжаныш драмтеатрыште модын, шке мастарлыкше дене ончаш толшо калыкым куандарен. В. А. Абукаев-Эмгакын да Н. Островскийын пьесышт почеш шындыме спектакльлаште рольым устан чоҥымыжлан Марий Эл кугажаныш премий дене палемдалтын. Кызыт Артём шочмо Пошкырт Эл кундемысе ик театрыште пашам ышта.

Коленыт

Тугак ончо: Категорий:Пеледыш тылзын 7 кечынже колышо-влак

Калык пале

	7 пеледыш Викиклатыште?