4 кылме

Википедий — эрыкан энциклопедий гыч материал
(Колтымо 4 Кылме гыч)
Кылме
Шч Кш Вр Из Кг Шм Рш
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
             
2017 ий

4 кылме (4 ноябрь) — григориан кечышот почеш идалыкын 308-ше (кужемдыме ийлаште — 309-ше) кечыже. Идалык пытыме марте 57 кече кодеш.

Пайрем да памятный дате-влак[тӧрлаташ | вики-текстым тӧрлаташ]

  • Россий Россий — Калыкын икоян улмо кечыже палемдалтеш.
  • Марий Эл Марий Эл — Марий автономий кече.

Лӱмгече[тӧрлаташ | вики-текстым тӧрлаташ]

  • Кылме тылзын нылымше кечынже шке лӱмгечыштым Александр, Герман, Максим. Емельян, Григорий, Василий, Анна да Елизавета-влак палемдат.

Событий-влак[тӧрлаташ | вики-текстым тӧрлаташ]

Тугак ончо: Категорий:Кылме тылзын 4 кечысе событий-влак

  • 1879 — Икымше кассовый аппаратым ыштен лукмо.
  • 1922 — Египетыште Тутанхамон фараонын гробницыжым муымо.
  • 2004 — Иркутскышто адмирал Александр Колчаклан чапкӱм шогалтыме.

Марий тӱняште[тӧрлаташ | вики-текстым тӧрлаташ]

Шочыныт[тӧрлаташ | вики-текстым тӧрлаташ]

Тугак ончо: Категорий:Кылме тылзын 4 кечынже шочшо-влак

  • 1905Михаил Максимович Иванов-Батрак, марий почеламутчо, серызе, туныктышо. Кужэҥер кундемысе Пукшамбал ял гыч. Шуко ий школышто пашам ыштен. Репрессийыш логалын. Пӧртылмек, Шернур посёлкышто илен. Ятыр произведенийым шочыктен: 7 книган авторжо.
  • 1932Миклай Рыбаков, серызе, кугыжаныш пашаеҥ. Шкеже тудо Юлсер кундем Портанур гыч. Николай Фёдорович – Марий Эл кугыжаныш да Олык Ипай лӱмеш премий-влакын лауреатше, Марий элысе сымыктышын сулло пашаенже.
  • 1938 — Владимир Павлович Васильев, шанче-экономист, Марий Элын сулло шанчыеҥже. Морко кундем Нуръял Корамасыште шочын-кушкын. Паша корныжо Марий кугыжаныш университет дене кылдалтын: 1974-ше ий гыч экономик факультетын доцентше, 6 ий деканже лийын. А 2002-шо ий гыч экономик теорий кафедрым вуйлата. Экономик шанче кандидат, профессор.
  • 1939 — Тамара Семёновна Григорьева, спортсменка, ечызе. Юлсер кундем Отымбал ялыште шочын. 5 ияш годымжак ече ӱмбак шогалын. Озаҥысе пединститутышто тунеммыж годымак Совет Ушем спорт мастер лӱмым сулен. Нелын эмганыме деч вара икмыняр ийлан спорт пашам ӧрдыжеш коден, но 80-ше ийлаште уэш ече ӱмбак шогалын. 2001-ше ийыште ветеран-влак кокласе тӱнямбалсе таҥасымаште «шӧртньымат» сеҥен налын. Ятыр таҥасымашын сеҥышыже. Россий спорт мастер.

Коленыт[тӧрлаташ | вики-текстым тӧрлаташ]

Тугак ончо: Категорий:Кылме тылзын 4 кечынже колышо-влак

Калык пале[тӧрлаташ | вики-текстым тӧрлаташ]

Казанский юмонан кечыже. Ожно ты кечын сӱаным ышташ тыршеныт, вет юмын пайрем кечын ушнышо мужыр пеҥгыде лиеш, манын ӱшаненыт. Кастене пайрем ӱстелым погеныт: ушмен да кешыр дене пурам шолтеныт.