29 кылме

29 кылме (29 ноябрь) — григориан кечышот почеш, ийын 333-шо кече (кужемдыме ийлаште — 334-ше). Идалык пытыме марте 32 кече кодеш.

Событий-влак

Тугак ончо: Категорий:Кылме тылзын 29 кечысе событий-влак

• 1919 ий Кылме тылзын 29-ше кечынже Майоров-Шкетан лӱмеш кугыжаныш драмтеатрлан негызым пыштыме.

Шочыныт

Тугак ончо: Категорий:Кылме тылзын 29 кечынже шочшо-влак

• 1920 — Зарецких, Михаил Александрович, лётчик, Совет Ушем Герой, Кугу Ачамланде сарын Геройжо. Сарыште тудо разведчик-штурмовик сомылым шуктен: шуко разведанныйым конден. Шкежат 600 наре тушман салтакым, 50 автомашинам, 5 танкым, 92 вагоным пытарен. Тудлан 1945-ше ийыште Совет Ушем Герой чап лӱмым пуымо. 1957-ше ий гыч Йошкар-Олаште илен. Хасанов урем, 9-ше номеран пӧртын пырдыжыштыже тудлан мемориал онам сакыме. Виче кундем Кильмез районысо Таутпочинга ял гыч.
• 1951 — Кубеков, Валериан Зиновьевич, ялозанык пашаеҥ. Курыкмарий район Ӱл Солаволкӹ ялыште шочын. 1999-ше ий гыч тудо шочмо кундемыштыже Мосолов лӱмеш ял озанлык ушем вуйлатышылан тыршаш тӱҥалын.
• 1967 — Ирина Шамаевна Александрова, марий шанчызе, туныктышо, педагогике шанче кандидат (2003), доцент.
• 1973 — Мухаметов, Вадим Андреевич, Россий герой Пошкырт кундем Пӱрӧ олаште шочын. 1991-1993-шо ийлаште Таджикистанысе Коклаазий погранокругысо заставыште службым эртен. Лӱддымылыкым, патырлыкым ончыктымыжлан Герой чаплӱмым сулен налын.
• 1975 — Иванов, Валерий Вячеславович, Российын Геройжо. Волжск кундемын патыр эргыже 1994-ше ийыште Чечняште колен: йӱлышӧ машинашке шинчын, тудым йолташыже-влак деч торашкырак нангайынеже улмаш, но машина пудештын. Тыге Валерий шке йолташыже-влакым арален коден. Тудын лӱмжым Волжск оласе 2-шо №-ан школ нумалеш, а капше Олыкъялысе шӱгарлаште кия.

Лӱмгече

Васли, Виктор, Метри, Матвей, Вӧдыр, Сергей, Йыван, Макар, Мичу

Коленыт

Тугак ончо: Категорий:Кылме тылзын 29 кечынже колышо-влак

Калык пале

	29 кылме Викиклатыште?