23 Пеледыш

Википедий — эрыкан энциклопедий гыч материал
Пеледыш
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
             
2017 ий

23 Пеледыш — григориан кечышот почеш идалыкын 174-ше (кужемдыме ийлаште 175) кечыже. Идалык пытыме марте 191 кече кодеш.

Пайрем-влак[тӧрлаташ | вики-текстым тӧрлаташ]

Лӱмгече[тӧрлаташ | вики-текстым тӧрлаташ]

  • Танле (православный) лӱм-влак: Александр, Антонина, Василий, Иван, Тимофей, Феофан.
  • Католик лӱм-влак: Ванда, Зенон, Иосиф.

Мо лийын[тӧрлаташ | вики-текстым тӧрлаташ]

Тыгак ончо: Категорий:23 Пеледыш Мо лийын

  • 1860 ий — УАШыште секретный службым почыныт.
  • 1868 ий — изобретатель Кристофер Шоулз печатлыме машиналан патентым налын.

Кӧ шочын[тӧрлаташ | вики-текстым тӧрлаташ]

Тыгак ончо: Категорий:23 Пеледыш Кӧ шочын

  • 1965 ий — Валерий Меладзе, мурызо, Россий Федерацийын сулло артистше.

Марий тӱняште[тӧрлаташ | вики-текстым тӧрлаташ]

  • 1920 ий — Иван Александрович Виногоров, Кужэҥер кундем Эҥерӱмбал ялыште кумдан палыме айдеме, Россий Федераций тӱвыран сулло пашаеҥже. Кугу ачамланде сар корным эртымек, книга савыктымаште тыршен. Уста вуйлатыше 17 ий кугыжаныш филармонийыште пашам ыштен. Ятыр шарнымаш книган, пьесын авторжо, кудышт коклаште «Кугу сарын тулжо вошт» книгажым поснак палемдаш лиеш.
  • 1935 ий — Станислав Фёдорович Киркин, шанче машина чоҥышо, Россий Федерацийысе кӱшыл школын сулло пашаеҥже. Чуваший кундемын эргыже шке пашаж дене чапым марий кундемыштына сулен. Уло ӱмыржӧ Марий кугыжаныш технологий университет дене кылдалтын: тыште тудо профессор марте шуын. Экологий могырым ончен, транспорт машин-влакым ыштымаште да кучылтмаште кугу специалистлан шотлалтеш. 70 утла шанче пашан авторжо. Техник шанче доктор.
  • 1952 ий — Николай Павлович Мантусов, семлызе, Марий Эл Республикысе тӱвыран сулло пашаеҥже. Ульяновск вел гыч. Марий кундемыш 1979 ийыште толын: Йошкар-Оласе культпросветучилищыште туныктышылан пашам ыштен, тыштак калык инструмент оркестрым чумырен. Ятыр концерт программым эртарен, студент-влакым тӱвыра илышлан кумылаҥден, тидлан Олык Ипай лӱмеш премий дене палемдалтын.
  • 1953 ий — Пётр Николаевич Иливанов, Марий Эл Республикын сулло чоҥышыжо. Республикысе тӱрлӧ чоҥышо ушемлаште тыршыме деч вара министерствыште да виктерыште пашам ыштен. 1996-2004 ийлаште кугыжаныш погынын депутатше лийын.

Кӧ колен[тӧрлаташ | вики-текстым тӧрлаташ]

Тыгак ончо: Категорий:23 Пеледыш Кӧ колен

Калык пале[тӧрлаташ | вики-текстым тӧрлаташ]

  • Тимофейын кечыже. Ты кечын уда лийшашым мужедыныт: идымыште коля пошен гын – шужен ийлан, чодыра гыч корак-влак тӱшкан чоҥештен толыт гын – шуко еҥ кола, пире-влак урмыжыт гын – вольык пыта.