21 Ага

Википедий — эрыкан энциклопедий гыч материал
Ага
Шч Кш Вр Из Кг Шм Рш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
             
2017 ий

21 Агагригориан кечышот почеш идалыкын 141-ше (кужемдыме ийлаште 142) кечыже. Идалык пытыме марте 224 кече кодеш.

Пайрем-влак[тӧрлаташ | вики-текстым тӧрлаташ]

  • Россий Россий — Таче паша укелык ваштареш кучедалме кечым палемдат.
  • Россий Россий — Сарзе переводчик-влакын пайремышт.
  • Россий Россий — Тыныс тептеҥзысе флотын шочмо кечыже.

Лӱмгече[тӧрлаташ | вики-текстым тӧрлаташ]

  • Арсений, Иван, Никифор, Пимен

Мо лийын[тӧрлаташ | вики-текстым тӧрлаташ]

Тыгак ончо: Категорий:21 Ага Мо лийын

  • 1502 ий — Шнуй Елена лӱмеш отром муыныт.
  • 1725 ий — Александр Невский лӱмеш орденым пеҥгыдемдыме.
  • 1904 ий — Парижыште футбол ассоциаций-влакын ушемыштым почмо. Тудо кызытат ФИФА лӱмым нумалеш.
  • 1937 ий — ий ӱмбалне верланыше икымше научный станций пашам ышташ тӱҥалын.

Кӧ шочын[тӧрлаташ | вики-текстым тӧрлаташ]

Тыгак ончо: Категорий:21 Ага Кӧ шочын

  • 1947 ий — Владимир Иванович Оленёв, журналист, Марий Элын сулло журналистше. Ончыч тӱрлӧ газет редакцийыште литсотрудниклан пашам ыштен, а 1971-ше ий гыч комсомол пашаш куснен. 25 ий ончыч телевидений да радиовещаний комитетын вуйлатышыжлан шогалын, кызытат тудым «Марий Эл» телерадиокомпанийын вуйлатышыже семын палат. Философий шанче кандидат.
  • 1976 ий — Светлана Васильевна Строганова, театр пашаеҥ, мурызо, Марий Элын сулло артисткыже . У Торъял район Кугу Шувылак ялыште шочын.Шкетан лӱмеш кугыжаныш драм театрыште пашам ышта. Мастарын модмыж дене гына огыл, шке яндар йӱкшє денат калык чоным сымыстарен кертын.
  • 1959 ий — Дина Михайловна Рычкова, туныктыш пашаеҥ да почеламутчо. Шернур кундем Йошкар-Памаш ялыште шочын. 1981-ше ийыште Марисоласе кыдалаш школышто туныктышылан тыршаш тӱҥалын. Тидын годымак сылнымут дене кугу кылым кучен. Уста поэтесса литератур премий дене ик гана веле огыл палемдалтын.

Кӧ колен[тӧрлаташ | вики-текстым тӧрлаташ]

Тыгак ончо: Категорий:21 Ага Кӧ колен

Калык пале[тӧрлаташ | вики-текстым тӧрлаташ]

  • Православный йӱлам кучышо-влак Иоанн Богословым шарналтат. Тиде кечын ожно шыдаҥым ӱдаш лектыныт. Но ончыч эскереныт: ломбо пеледаш тӱҥалын але уке. Тиде кечын киндым кӱэштыныт да нужна-влаклан пуэденыт, шкан кочка шок лий улмаш.
  • Марий калыкат «кинде – чылалан вуй» манын. Сандене киндым кеч-могай йӱлам шуктымо годым пеленак кучен. Эсогыл кугорныш тарванымекат кӱсенышке кинде курикам пыштыман. Юмылан кумалаш лӱмын Кумалтыш киндым ямдыленыт. Тудым эше ӱян-шӧран кинде маныт.