18 вӱдшор
| ← вӱдшор → | ||||||
| Шч | Кш | Вр | Из | Кг | Шм | Рш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
| 2025 ий | ||||||
18 вӱдшор (18 апрель) — григориан кечышот почеш идалыкын 108-ше (кужемдыме ийлаште — 109-шо) кечыже. Идалык пытыме марте 257 кече кодеш.
Пайрем да памятный дате-влак
[тӧрлаташ | кодым тӧрлаташ]
ЮНЕСКО — Памятник ден историй верлам аралыме тӱнямбал кече.
Россий — Сарзе чап кече. Лач тиде кечын историйыште келге кышам кодышо «Ледовое побоище» кредалмаш лийын. Руш-влак, Александр Невскийын вуйлатымыж почеш Чудской ерыште немыч рыцарь-влакым кырен шалатеныт.
Лӱмгече
[тӧрлаташ | кодым тӧрлаташ]- Католик лӱм-влак: Роберт, Рудольф, Стефан.
- Танле (православный) лӱм-влак: Марк, Платон, Самсон, Семён, Феодора.
Событий-влак
[тӧрлаташ | кодым тӧрлаташ]Тугак ончо: Категорий:Вӱдшор тылзын 18 кечысе событий-влак
- 1902 ий — Преступникым пален налаш манын икымше гана дактилоскопийым ыштеныт. Тыглай йылме дене умылтараш гын, айдемын парня палыжым, отпечаткыжым налыныт да осал пашам ыштышым кученыт.
- 1922 ий — Моско олаште автобус маршрутым почыныт.
- 1923 ий — Моско олаште «Динамо» пролетар спорт ушемым почыныт.
Шочыныт
[тӧрлаташ | кодым тӧрлаташ]Тугак ончо: Категорий:Вӱдшор тылзын 18 кечынже шочшо-влак
- 1928 ий — Виталий Ерошкин, курыкмарий серызе, почеламутчо, туныктышо, историй шанче доктор, СССР Журналист-влак ушемын йыжъеҥже (1966), Марий АССР-ысе шанчын сулло пашаеҥже.
- 1934 ий — Феония Тихоновна Сергеева, марий йылмызе, шанчызе, туныктышо, филологий шанче кандидат (1977), доцент (1984).
- 1959 ий — Васильев, Вениамин Анатольевич, офицер. Морко кундем Элейсола ялыште шочын. Паша корныжо лӱдыкшымыдылык шотышто федерал службышто эртен. 1995-ше ийыште Марий таможньын вуйлатышыжлан шогалын. Полковник.
- 1964 ий — Актанаев, Владимир Иванович, театр да кугыжаныш пашаеҥ, Марий Эл Республикын Калык артистше. М. Шкетан лӱмеш Марий кугыжаныш драме театрыште ончыч актёрлан, а вара вуйлатышыланат тыршен. Кызыт тӱвыра министрын алмаштышыжлан пашам ышта.
Коленыт
[тӧрлаташ | кодым тӧрлаташ]Тугак ончо: Категорий:Вӱдшор тылзын 18 кечынже колышо-влак
- 1958 ий — Тойдемар, Павел Степанович — икымше профессионал марий мурызо.
Калык пале
[тӧрлаташ | кодым тӧрлаташ]Руш калык пале почеш тиде кечым Федул кече лӱмденыт. Мардеж кече.
- Тиде кече деч вара эше йӱштӧ лийын кертеш, но теле тургым пытаак.
- Федул кече але кечан, але йӱран гына лиеш.
- Федул кечын лыве ылыжеш.
|
18 вӱдшор Викиклатыште? |
|---|