Уланова, Екатерина Валентиновна

Википедий — эрыкан энциклопедий гыч материал
Перейти к навигации Перейти к поиску
Екатерина Валентиновна Уланова
Екатерина Уланова
Шочмаш дене лӱм:

Екатерина Валентиновна Уланова

Тыршымаш алан:

серызе, почеламутчо

Шочын:

1969 ий 1 сӱрем(1969-07-01) (49 ий)

Шочмо вер:

РСФСР, Марий АССР, Йошкар-Ола

Гражданство/Подданство:

Совет Ушем Совет Ушем
Россий Россий

Чап пӧлек да премий:

Марий Эл Республикысе МВД-н Чапкагазше (1998), «Боевое братство» ушемын Чапкагазше (2007), «За ратную доблесть» медаль (2008).

Екатерина Уланова (Екатерина Валентиновна Уланова) (1969 сӱрем 1, РСФСР, Марий АССР, Йошкар-Ола) — руш серызе, почеламутчо, Россий Серызе-влак ушемын йыжъеҥже (2007).

Илыш корныжо[тӧрлаташ | вики-текстым тӧрлаташ]

Екатерина Уланова 1969 ийын сӱрем тылзын 1-ше кечынже Йошкар-Олаште служышо ешеш шочын. 1984 ийыште 8 классым да фортепиано класс дене Чайковский лӱмеш музык школым пытарен, вара балалайке класс дене Палантай лӱмеш музык училищыште, Н.К. Крупская лӱмеш МГПИ-н историко-филологический факультетыштыже тунемын.

1988 ий гыч Козьмодемьянск оласе музык школышто туныктышылан ыштен. «Наигрыш» самодеятельный калык ансамбльыште шоктен, йоча туныктыш учрежденийыште музык вуйлатыше лийын (1989–1999), музык дене частный школышто классический гитар дене шокташ туныктен, «Яблоко» партийын республикысе пӧлкажын пресс-секретарьже (2003–2004) лийын. 1999 ий гыч «Голос ребёнка» мер организацийым вуйлатышын алмаштышыжлан ыштен.

«Жаркий день. Смеётся лето...» икымше почеламутшо «Марийская правда» газетыште 1988 ийыште савыкталтын. Вара «Молодёжный курьер», «Йошкар-Ола» газет редакцийла дене кылым кучен. Икымше почеламут книгаже, «Лунный смех», 1995 ийыште лектын. Кызыт вич книган авторжо. Усталык пашаштыже посна верым мурым возымаш налеш. Е. Уланован поэзийже лудшо-влакым чон яндарлыкше, кӧргӧ тургыжланымаш, ныжылгылык, келге чон шижмаш да профессионал мастарлык дене сымыстара.

1995 ийыште, икымше чечен сар ылыжме годым, чылажымат шке шинча дене ужаш да тидын нерген возаш манын, шучко пуламыр лӱшкымӧ верлаш миен коштын. Ростов-на-Дону, Грозный олалаште Россий армийын салтакше-влак ончылно почеламутым лудын.

РМЭ МВД-н (1998), «Боевое братство» ушемын (2007) Чап грамотышт, «За ратную доблесть» (2008) медаль дене палемдалтын.

2007 ий годсек Россий писатель ушемын йыжынъеҥже.

Тӱҥ произведенийже-влак[тӧрлаташ | вики-текстым тӧрлаташ]

  • Лунный смех : любов, лирика. Йошкар-Ола, 1995. 112 с.
  • В дивном городе Где-то...; Струны жалобны и гулки...; Предчувствие скользнуло... : стихи // Дружба. Мир, в котором я живу. Йошкар-Ола, 1997. С. 190—193.
  • Отражения : лирико-философ. экстазы. Йошкар-Ола, 1998—1999. 68 с.
  • Стихи // Сотовый мед. Йошкар-Ола, 2000. С. 182—186.
  • Волгоград... Ростов... Моздок...; Разрушенные дома...; Курят мальчики с бирками... : стихи // Дружба. На свет нетленный. Йошкар-Ола, 2000. С. 173—175.
  • Сумерки : стихи. Йошкар-Ола, 2003. 84 с.
  • Подвенечіе : стихи. Йошкар-Ола, 2003. 220 с.
  • Стихи // Город мой, всегда молодой! : сб. песен. Йошкар-Ола, 2004. С. 125.
  • Стихи // Русское слово Марий Эл. Йошкар-Ола, 2004. С. 377—378.
  • Все суета сует...; Это ночь — а не буря...; В малой зале гости ели...; Разочарованный ль ты стал... : стихи // Дружба. Время пить херши. Йошкар-Ола, 2007. С. 236—239.
  • Путешествие : стихи для детей. Йошкар-Ола, 2007. 20 с.

Илышыже да творчествыже нерген литератур[тӧрлаташ | вики-текстым тӧрлаташ]

  • Краткая биогр. справка // Сотовый мёд. Йошкар-Ола, 2000. С. 182.
  • Краткая биогр. справка // Русское слово Марий Эл. Йошкар-Ола, 2004. С. 377.
  • Артеменко Е. Е. Уланова // Нижегородцы Марий Эл. Галерея замечательных людей. Йошкар-Ола, 2007.
  • Шингареева О. Поэзия в сердце солдата // Йошкар-Ола. 2008. 10 июня.

Чап[тӧрлаташ | вики-текстым тӧрлаташ]

  • Марий Эл Республикысе МВД-н Чапкагазше (1998).
  • Россий Серызе-влак ушемын йыжъеҥже (2007).
  • «Боевое братство» ушемын Чапкагазше (2007).
  • «За ратную доблесть» медаль (2008).

Литератур[тӧрлаташ | вики-текстым тӧрлаташ]