Суас

Суас (шкелӱм суасла татар; курыкмарла сӱӓс; одыла бигер; чувашла тутар) — Российын Европо ужашыште верланыше рӱдӧ веллаште, Юлвелыште, Уралыште, Сивырыште, Казахстаныште, Кокла Азийыште, Синьцзяныште, Мӱндыр Эрвелыште илыше тӱрк калык.

Калыкчот Российыште 5554,6 тӱж. еҥ (еҥшотлымаш 2002) — Россий калыкчотын 3,83 %.
Калыкчот Марий Элыште 43,4 тӱж. еҥ (еҥшотлымаш 2002) — Марий Эл калыкчотын 6,0 %.

Калыкын вес лӱмжӧ-влак

Суас Элыште да Одо Элыште илыше марий-влак суас-влакым сӱас маныт. Тугат марий-влак суас-влакым тыге манын кертыт: татар, тотар, тадар да тодар.