Попов, Вячеслав Григорьевич

Википедий — эрыкан энциклопедий гыч материал
Перейти к навигации Перейти к поиску
Вячеслав Григорьевич Попов
Вячеслав Попов
Шочмаш дене лӱм:

Вячеслав Григорьевич Попов

Тыршымаш алан:

серызе, почеламутчо

Шочын:

1936 ий 17 идым(1936-09-17)

Шочмо вер:

РСФСР, Марий автоном область, У Роҥго кундем, Шнаран ял

Гражданство/Подданство:

Совет Ушем Совет Ушем
Россий Россий

Колен:

2015 ий 17 идым(2015-09-17) (79 ий)

Колымо вер:

Йошкар-Ола

Чап пӧлек да премий:

Вячеслав Попов (Вячеслав Григорьевич Попов) (1936 идым 17, РСФСР, Марий автоном область, У Роҥго кундем, Шнаран ял —17 идым 2015, Йошкар-Ола) — руш серызе, почеламутчо, Россий Cерызе-влак ушемын йыжъеҥже (2006).

Илыш корныжо[тӧрлаташ | вики-текстым тӧрлаташ]

Вячеслав Попов 1936 ийын идым тылзын 17-ше кечынже Марий автоном область У Роҥго кундем Шнаран ялеш шочын. Роҥго кыдалаш школым пытарымек, 1954–1957 ийлаште Йошкар-Оласе чоҥышо техникумышто тунемын. 1961 ийыште Марий политехнический институтыш пурен, но тунем пытарен огыл. Совет Армий радамыште служитлен. Пӱтынь паша корныжо чоҥышо организаций-влак дене кылдалтын. Мастерлан, прораблан, участке начальниклан, производственно-технический, планово-производственный пӧлкалаште вуйлатышылан, трестын кугурак инженержылан, Марий ЦНТИ-н чоҥышо пӧлкажым вуйлатышылан ыштен.

В.Поповын икымше почеламутшо 1957 ийыште армийысе газетеш савыкталтын. Но тудын лӱмжым поэзийым йӧратыше-влак 1994 ий тӱҥалтыште гына пален налыныт, тунам «Марийская правда» газетеш почеламут аршашыже савыкталтын. Тылеч вара автор газет лышташлаште чӱчкыдӧ уна лийын. В. Поповын почеламутшо-влак тыгак республикысе радиошто йоҥгалтыныт. 2001 ийыште тудо Марий Эл ГТРК-н эртарыме «Шкаланем да тыланда» почеламут таҥӱчашыште лауреат лийын. Тудын почеламутшо-влаклан самодеятельный композитор-влак В. Царегородцев, Ю. Шеин семым возеныт.

2001 ийыште «Стихотворения» лӱман икымше почеламут книгаже лектын. Вара «На берегах Шули», «Тайну сердце знает» книгаже-влак ош тӱням ужыныт. Марлаш кусарыме почеламут аршашыже «Ончыко» журналыште савыкталтын. В.Попов республикыште эртаралтше икмыняр поэзий таҥӱчашыште шке вийжым терген да сеҥыше лийын. 2006 ий гыч Россий писатель ушемыште шоген.

Тӱҥ произведенийже-влак[тӧрлаташ | вики-текстым тӧрлаташ]

  • Стихотворения. Йошкар-Ола, 2001. 144 с.
  • На берегах Шули : стихи, поэма. Йошкар-Ола, 2004. 84 с.
  • Тайну сердце знает : стихи. Йошкар-Ола, 2004. 52 с.
  • Йошкар-Ола : песня // Антология песен о Йошкар-Оле. Йошкар-Ола, 2004. С. 120.
  • Край, где мы нашли друг друга : песня ; Краю милому всегда цвести : гимн Юринского района // Марий Элем. Песни Марий Эл. Йошкар-Ола, 2005. С. 218, 299.

Марлаш кусарыме произведенийже[тӧрлаташ | вики-текстым тӧрлаташ]

  • Шӱльӧ серыште : поэме / пер. Э. Анисимова // Ончыко. 2004. № 3. С. 169—176.

Илышыже да творчествыже нерген литератур[тӧрлаташ | вики-текстым тӧрлаташ]

  • Богомолова Л. Об авторе и его стихах // В. Попов. Стихотворения. Йошкар-Ола, 2001. С. 4.
  • Липатов А. Сладкая горечь и горькая сладость любви // В. Попов. Стихотворения. Йошкар-Ола, 2001. С. 5—6.
  • Липатов А. «Книгу жизни собственной читая...» // В. Попов. На берегах Шули. Йошкар-Ола, 2004. С. 5—8.

Чап[тӧрлаташ | вики-текстым тӧрлаташ]

Литератур[тӧрлаташ | вики-текстым тӧрлаташ]