Николаев, Евгений Иванович
| Евгений Иванович Николаев | |
|---|---|
| Евгений Николаев | |
| Шочмаш дене лӱм | Евгений Иванович Николаев |
| Шочын | 1956 ий 18 шорыкйол |
| Шочмо вер | РСФСР, Марий АССР, Кужэҥер кундем, Васалай ял |
| Колен | 12 шыжа 2010 |
| Колымо вер | Йошкар-Ола |
Евгений Николаев (Евгений Иванович Николаев) (1956 шорыкйол 18, РСФСР, Марий АССР, Кужэҥер кундем, Васалай ял — 12 шыжа 2010, Йошкар-Ола) — руш серызе, журналист, Россий Журналист-влак ушемын йыжъеҥже (1983).
Илыш корныжо
[тӧрлаташ | кодым тӧрлаташ]Евгений Николаев 1956 ийын шорыкйол тылзын 18-ше кечынже Марий АССР Кужэҥер кундем Васалай ялеш шочын. Йошкар-Оласе 2-шо №-ан школышто тунемын. Кӱшыл шинчымашым Марий кугыжаныш университетыште налын (1978). Паша корныжым «Молодой коммунист» газет редакцийыште тӱҥалын. Варажым «Йошкар-Ола» газетыште, «Пионер йӱк» журналыште ыштен.
Е. Николаевын возымыжо икымше гана 1980-шо ийла тӱҥалтыште савыкталтын. Ойлымаш-влакше чӱчкыдын республикысе газетлаште, тӱшка сборниклаште, «Дружба» альманахыште лектеденыт. Южо возымыжо Башкортостаныште, Мордовийыште, Санкт-Петербургышто савыкталтше сборниклаш пуреныт. Икмыняр ойлымашыже марий да мордва йылмылаш кусаралтыныт.
Е. Николаев рушлашкат кусаркален. Тудлан кӧра руш лудшо-влак марий калык йомак-влак, Ф. Майоровын «М.Шкетан» романжын ужашлаж дене палыме лийыныт. 1983 ий годсек СССР журналист ушемын йыжынъеҥже лийын.
Тӱҥ произведенийже-влак
[тӧрлаташ | кодым тӧрлаташ]- Парле ву Франсе ; Серапион Крокетов и ходоки : рассказы // Дружба. Йошкар-Ола, 1982. С. 129—134.
- Миллион алых роз ; Соседка : рассказы // Дружба. Йошкар-Ола, 1985. С. 122—129.
- Сложный вопрос; Снегири: рассказы // Пионер йӱк. 1987. № 2. С. 7.
- В черте жизни : рассказы / Авт.: Е. Николаев, В. Снигирёв. Йошкар-Ола, 1990. 240 с.
- Дело кошачье : рассказ // Русское слово Марий Эл. Йошкар-Ола, 2004. С. 301—304.
Илышыже да творчествыже нерген литератур
[тӧрлаташ | кодым тӧрлаташ]- Краткая биогр. справка // Русское слово Марий Эл. Йошкар-Ола, 2004. С. 301.