Моцарт, Вольфганг Амадей
Вольфганг Амадей Моцарт (немычла Wolfgang Amadeus Mozart; 27 Шорыкйол 1756 — 5 Теле 1791) — австрийысе семлызе, дирижер.
Илышйогын[тӧрлаташ | вики-текстым тӧрлаташ]
Моцарт Зальцбург олаште мурызо ешыште шочын. Шочмыж деч вара, кокымшо кечынак Шнуй Рупертын Черкыштыже тынеш пуртымашым эрта. Крешын кнагаште тудым лӱмжым Johannes Chrysostomus Wolfgangus Theophilus (Gottlieb) Mozart семын возат. Ончылно шогышо кок мутшо шнуй Иоанн Златоустын лӱмжӧ, илышыште Моцартым лӱмдымӧ годым тиде мут-влакым кучылтын огытыл. А нылымше мутшо (Theophilus) жап дене вашталтын. Латин ылме дене Amadeus, немычла Gottlieb, итальянла Amadeo семын возалтеш, "Юмын йӧратымыже" семын тиде лӱм кусаралтеш.
Изигодсек ачаже ковыж, клавесин да орган дене шокташ туныктен. 1762 ийыште ешыж ден Веныш, Мӱнхеныш каят. Тушто Моцарт Анна шӱжарже дене концертым пуат. Калык нуным сайын вашлийын. Икымше сочинений же Парижыште лектеш.