Садова, Марина Андреевна
| Марина Андреевна Садова | |
|---|---|
| Марина Садова | |
 Марий мурызо Марина Садова сценыште. П. Васильевын фотожо. | |
| Шочын | 1997 ий 3 ага (27 ий) |
| Шочмо вер | Россий, Марий Эл Республик, Маскасола кундем, Нужъял ял |
| Тыршымаш алан | мурызо, семлызе |
 Медиафайлы на Викискладе | |
Марина Садо́ва (Марина Андреевна Садо́ва) (1997 ага 3, Россий, Марий Эл Республик, Маскасола кундем, Нужъял ял) — марий мурызо, семлызе, «Куат» группын солисткыже (тудак коллективым чумырен).
Илыш корныжо
[тӧрлаташ | кодым тӧрлаташ]Марина Садова 1997 ийын ага тылзын 3-шо кечынже Марий Эл Республик Маскасола кундем Нужъял ялеш шочын.
Мурымаш паша
[тӧрлаташ | кодым тӧрлаташ]Марина мураш ныл ияш годымжак тӱҥалын. Икымше сеҥымашыжлан «Звездный дождь» республик кӱкшытысӧ эстрада муро конкурсышто сеҥымым шотлаш лиеш. Тудлан тунам 5 ий лийын. Вара район, Республик, Россий кӱкшытысӧ да калык-влак кокласе конкурслаште ятыр сеҥымашым налын: «Маленькие звездочки на Золотых песках» (Болгарий, 2 вер), «Таланты Каунаса» (Литва), «Путь к звездам» (Санкт-Петербург ола).
Марий Эл мучко Марина «Песенка года» конкурс деч вара палыме лийын. Тушто тудо Людмила Помогаева дене пырля «Марий лӱм» мурым йоҥгалтарен («Яндар» дуэт). Тиддеч вара Марина марий муро-влакым мураш тӱҥалеш. Муро-влакше Марий Эл Радиошто да марий телевиденийыште йоҥгат, ятыр клип муро-влакланше лектеш. Марина 2014 ий гыч И.С.Палантай лӱмеш тӱвыра да сымыктыш колледжыште шинчымашым поген.
2014 ийыште Теле тылзын 10 гыч 13 кече марте Марина Садова Германийыште Олденбург олаште «ЛИЕТ Интернэшенел» конкурсышто (тиде конкурс изи калык-влакын Евровиденийыштлан шотлалтеш) мурен.
Еш
[тӧрлаташ | кодым тӧрлаташ]- Ава — Светлана Викторовна Садова.
- Ача — Андрей Витальевич Садов.
- Шӱжар — Анна Андреевна Садова.