Кислицын, Вячеслав Александрович

Википедий — эрыкан энциклопедий гыч материал
Вячеслав Александрович Кислицын
Шочын 1948 ий 4 Идым(1948-09-04) (75 ий)
Шочмо вер
Эл
Тыршымаш алан политик, государственный деятель
Логотип Викисклада Медиафайлы на Викискладе

Вячеслав Александрович Кислицын (4 Идым 1948 ий, Марий Тӱрек кундем Косолоп сола) — кугыжаныш пашаеҥ, Марий Эл Республикын кокымшо Президентше (1997-2001 ийла), экономик шанче кандидат. Шкеже марий[1][2] ала руш [3][4][5][6].

Илышкорно[тӧрлаташ | кодым тӧрлаташ]

Мари-Турек кундем Косолоп селаште марий ешеш шочын.

Тунеммаш[тӧрлаташ | кодым тӧрлаташ]

Томскысо кӱртнтьгорно транспорт техникумым тунемын пытарен. Марий кугыжаныш педагогик институтын историй факультетым 1978 ийыште пытарен.

1991 ий — ЦК КПСС пелен ВПШ-ам тунем пытара. 1994 ийыште "Юрист-консультант" специальностьым Российысе политологий институтышто налеш.

Политик паша[тӧрлаташ | кодым тӧрлаташ]

Паша корныжо Медведево кундемысе спорткомитетыште тӱҥалын, райсовет инструкторлан ыштен.

  • 1972 гыч 1975 ий марте — Семеновский да Знаменский сельсовет исполкомы председательже.
  • Кылме тылзе 1978 ий гыч «Победитель» колхоз вуйлатышылан шогалын

1989 ий гыч 1992 ий марте Медведево районысо Каҥаш исполкомын председательже. 1989 ийыште СССРын калык депутатшылан сайлаленыт. 1992 гыч 1996 ий марте Маскасола кундем администраций вуйлатыше.

1993 ийыште Федераций Каҥашын депутатшылан сайленыт.

22 Теле 1996 ийыште Марий Эл Республикын президентшылан сайлымашыш кандидат семын ушнен. Кокымшо турышто 4 Шорыкйол 1997 ийыште сеҥен. Должность почеш Федераций Каҥаш (Совет Федерации) радамыш пурен, шанче паша, тӱвыра, туныктыш йодыш-влак шотышто Комитетын йыжъеҥже (член комитета) лийын.

Марий Эл Президентым черетан сайлымашыште 17 Теле 2000 ийыште кокымшо турышто 33,7 % йӱкым погымеке Леонид Маркеловлан (57,9 %) сеҥалтын.

Чап пӧлек[тӧрлаташ | кодым тӧрлаташ]

  • Россий Федераций виктерын Чап таныкше дене палемдалтын.

Тидым палаш оҥай[тӧрлаташ | кодым тӧрлаташ]

  • 1997 ийыште Марий Эл Президент пеленысе Кугыжаныш Паша да Виктарымаш Институтым (Института Государственной Службы и Управления при Президенте Республики Марий Эл) петыраш кӱштыкым луктын. Тиде институтым В.М. Зотин ончычсо президентын темлымыж почеш 1995 ийыште почыныт. Очный пӧлкаште республикыште пашам ышташлан управленец-пашаеҥ-влакым тушто ямдыленыт. Шке жапыштыже тиде институтышто ямдылыме специалист-влак эн шотан да ӱшанлылан шотлалтыныт. Студент-влакым Марий Кугыжаныш Техник Университетыш кусареныт, тушто нуно тунемын шуктеныт.

Еш[тӧрлаташ | кодым тӧрлаташ]

  • Пелашан, ӱдыржӧ уло.
  1. https://web.archive.org/web/20150319193143/http://komanda-k.ru/%D0%9C%D0%B0%D1%80%D0%B8%D0%B9-%D0%AD%D0%BB/%D0%BC%D0%B0%D1%80%D0%B8%D0%B9%D1%86%D1%8B-%D0%BD%D0%B0%D1%80%D0%BE%D0%B4-%D0%BC%D0%B0%D1%80%D0%B8
  2. http://finnomsk.ru/mari-jtsy.html
  3. https://web.archive.org/web/20151201020324/http://cikrf.ru/banners/vib_arhiv/sovfed/1993_sov_fed.html
  4. https://web.archive.org/web/20140719150118/http://bookucheba.com/istoriya-religiy-knigi/religioznaya-politika-vlastey-34755.html
  5. http://flb.ru/persprint/23.html
  6. https://web.archive.org/web/20190710061625/http://www.kudokodu.ru/archive/029/article2.html