Калык-влак кокласе информаций кече

Кылме тылзын 26 кечын Калык-влак кокласе информатизаций академийын темлымыж почеш Тӱнямбалсе информаций кече (World Information Day) палемдалтеш. Информаций - мут дене, серыш гоч але вес йӧн дене ик еҥ деч весылан колтымо шинчымаш (мутлан, ала могай сигнал дене).

Информаций айдемылан эре кӱлеш ыле. Но ХХ-шо курымышто шанче пашан чот шарлымыж да вияҥмыжлан кӧра информацийын кӱлешлыкше эше чот кугемын.