Иликбаев, Василий Михайлович
| Василий Михайлович Иликбаев | |
|---|---|
| Василий Иликбаев | |
| Шочмаш дене лӱм | Василий Михайлович Иликбаев |
| Шочын | 1951 ий |
| Шочмо вер | Пошкырт АССР, Пӱрӧ кундем, Ӱкӱдӧ ял |
| Колен | 2013 ий |
| Колымо вер | Пошкырт АССР, Пӱрӧ кундем, Ӱкӱдӧ ял |
Василий Иликбаев (Василий Михайлович Иликбаев) (1951, Пошкырт АССР, Пӱрӧ кундем, Ӱкӱдӧ ял — 2013) — марий серызе, мер пашаеҥ.
Илыш корныжо
[тӧрлаташ | кодым тӧрлаташ]Василий Иликбаев 1951 ийыште Пошкырт АССР Пӱрӧ кундем Ӱкӱдӧ ялыште колхозник ешеш шочын. Василий Иликбаев Пӱрӧ кундемысе марий прозаик, мер пашаеҥ да ял озанлыкыште кугу специалист — кундемысо тӱҥ ветеринар эмлызеын олмештышыже лийын. Шуко заметке ден статьяже районысо «Победа» газетыште печатлалтын, «Тихий брод» лӱман роман-эссе книгаже кок изданий дене лектын. Фольклорист семын "Марий калык муро ден такмак-влак", «Руш пӱртӱспале» книга-влакым ямдылен, эрвелмарий сӱанын сценарийжым серен, но печатлен луктын шуктен огыл - ӱмырлугыч трагически колен. Мер пашаште 1989 ий гыч колымешкыже Пӱрӧ «Марий ушемын» правленийыштыже шоген, Марий Калык Погынын делегатше лийын. Илен Пӱрӧ район Курыш ялыште, йырге кундемыште эше уста пакчазе да мӱкшызӧ семын палыме улмаш да тусо калык коклаште пеш кугу авторитетан лийын. Курыш ялыште, тудын илыме Ятап уремыште уремын лӱмжӧ да тушто серызе В. М. Иликбаевын илымыже нерген палдарыше табличкым пижыктыме.