Захаров, Вениамин Александрович
| Вениамин Захаров | |
|---|---|
| Вениамин Александрович Захаров | |
| Шочын | 1954 ий 12 Теле (69 ий) |
| Шочмо вер | |
| Эл | |
| Тыршымаш алан | семлызе |
Вениамин Захаров (1954 теле 12, Морко кундем, Казанский почиҥга) — марий семлызе, шуко мурылан семым возышо, Россий семлызе ушемын еҥже (1979 ий гыч), Олык Ипай лӱмеш Марий комсомол премийын лауреатше (1986), Марий Эл республикын кугыжаныш премийын лауреатше (1991), Марий Эл сымыктышын сулло пашаеҥже (1996), Йыван Кырля лӱмеш театр премийын лауреатше (2005).
Ӱмыргорно
[тӧрлаташ | кодым тӧрлаташ]Вениамин Захаров Марий Эл республикын Морко кундем Казанский почиҥгаште шочын. Тӱҥалтыш сем шинчымашым 1-ше № музыкально-художественный школ-интернатыште (Йошкар-Ола) налын, тудым 1969 ийыште скрипке класс дене мучашлен. Вара И.С. Ключников-Палантай лӱмеш училищыш теорий пӧлкашке тунемаш пурен. Икымше композиций-влакым школышто тунеммыж годым возен, тунам тудым П.М.Двойрин туныктен. Училищыште И.Н.Молотов ден А.Б.Лупповын туныкытмо почеш шке мастарлыкшым пойдара, вара Озаҥысе кугыжаныш консерваторийыш тунемаш пура (1973-1978).
Совет Армийыште службым эрытмеке Республикысе кугыжаныш руш драмтеатрыште ыштен (1982-1987). 1987 ий гыч Республикысе курчак театрыште сем пӧлкалан вуйын шога.[1]
1991 ийыште йоча хорлан «Чавайнлан семаршаш» кантатым возымыжлан Марий Эл Республикын кугыжаныш премийым пӧлекленыт.
Усталык паша
[тӧрлаташ | кодым тӧрлаташ]Семлызе тӱрлӧ жанрыште тырша. Тӱҥалтышыште камерный семлан тӱткылыкым ойырен: "Соната для скрипки соло", "Партита для флейты, кларнета, фагота" да т.м.
Вара муро жанр деке толеш, театр спектакль-влаклан муро семым возгала, йоча тематикым тӱҥлан ойыра.