Егошин, Александр Фёдорович

Википедий — эрыкан энциклопедий гыч материал
Перейти к навигации Перейти к поиску
Александр Егошин
Александр Фёдорович Егошин
Тыршымаш алан:

мурызо

Гражданство/Подданство:

Россий

Александр Федорович Егошин (1962 ий 18 Теле, Куженер кундемысе Одывлак ял) — марий мурызо. 1962 ийын 18 февральыште Куженер районысо Одывлак ялыште шочын. Кыдалаш шинчымашым Коҥганур школышто налын. 1979 ийыште Йошкар-Оласе культурно-просветительный училищыш тунемаш пура, но тудым армийыште служитлен толмо деч вара гына пытара. Икмыняр ий Курчак театрыште пашам ышта.

Мурымаш[тӧрлаташ | вики-текстым тӧрлаташ]

1984 ийыште шке пӱрымашыжым вашталта. Изинекак мураш йӧратыше рвезе Йошкар-Оласе музыкальный училищын вокальный отделенийышкыже тунемаш пура. Вокал специальность дене Алина Викторовна Крылова дек логалеш. Училище деч вара Марий филармонийыш А.Искандаров лӱмеш хоровой капеллыш пашам ышташ толеш. Ондак моло семынак тӱшкан мурымаште лиеш. Вара коклан эстрадный мурызо семын сценыш лекташ тӱҥалеш. Шкаланже келшыше муро-влакым поген, репертуаржым кугемда. Кызытсе репертуарыштыже Виталий Алексеевын, Юрий Евдокимовын мурышт улыт. Юрий Чавайнын мутшылан Дена Карамова лу наре мурым возен. Нуным Александр Егошин чыла Марий радион фондшылан возен пуэн. Эстрадный мурызо семын икмыняр ий гына ышта. Тудым кызытеш у пашажын тӱҥалтышыже манаш келшен толеш. Лу ий наре мура гын, тудым калыкат утларак палаш тӱҥалеш, шонена.

Еш[тӧрлаташ | вики-текстым тӧрлаташ]

Александр Егошин пелашыж дене коктын Настя ӱдырым ончен куштат.