Крылов, Василий Васильевич

Василий Васильевич Крылов
Василий Васильевич Крылов
	Шулдыр Васлий
Шочмаш дене лӱм	Василий Васильевич Крылов
Шочын	1953 ий 4 ага
Шочмо вер	РСФСР, Марий АССР, Морко кундем, Арын ял
Колен	2010 ий 4 сорла (57 ий)
Колымо вер	РСФСР, Марий АССР, Морко кундем, Арын ял
Эл	Совет Социализм Республик-влак Ушем; Россий;
Тыршымаш алан	почеламутчо
Чап пӧлек да премий	Марий Эл Республикысе тӱвыран сулло пашаеҥже (1996), Марий Эл Республикын Кугыжаныш Погынын Чапкагазше, Россий Серызе-влак ушемын Чапкагазше, Марий Эл Республикын Тӱвыра, савыктыш да калык паша шотышто министерствын Чапкагазше,

Шулдыр Васлий (Василий Васильевич Крылов) (1953 ага 4, РСФСР, Марий АССР, Морко кундем, Арын ял — 4 сорла 2010, РСФСР, Марий АССР, Морко кундем, Арын ял) — марий серызе, почеламутчо, драматург, журналист, Россий Cерызе-влак ушемын йыжъеҥже (1993), Марий Эл Республикысе тӱвыран сулло пашаеҥже (1996).

Илыш корныжо

Шулдыр Васлий 1953 ийын ага тылзын 4-ше кечынже Марий АССР Морко кундем Арын ялыште шочын. Тӱҥалтыш шинчымашым шке ялысе кыдалаш школышто налын. А 1970 ийыште просветительский училищыш тунемаш пурен. Тушечынак армий радамыш каяшыже логалын. Пӧртылмекыже, 1973 ийыште Василий Васильевич студент радамыш шогалын. Марий кугыжаныш университетын историй-филологий факультетын студентше лийын. Дипломым налмеке, 13 ий Мари радиошто тыршен пашам ыштен. А 1991 гыч 97 ий марте «Ямде лий» йоча журнал редакцийыште тӱҥ редактор пашам шуктен. Тылеч вара Писатель ушем вуйлатыше пашам шукташ тӱҥалын да «Марий журналын» директор пашам шке вачӱмбакыже налын.

Сылнымут паша

Йоча пагытыштыже спорт дене кылым кучен, музык да литератур деке шӱман лийын. Школышто тунеммыж годым, «Колхозная правда» газет пелен эртарыме «Морко памаш» литератур кружокыш кошташ йоратен. Тиде газетын лаштыкыштыже Василий Васильевичын икымше почеламутшым 1966 ийыште савыктеныт. Икымше почеламутшо «Портышкем» маналтын. Тылеч вара «Ямде Лий» газетын юнкоржо лийын. А студент пагытыште Семен Николаевын вуйлатымыже почеш «У памаш» литератур ушем пашам ыштен. Тушто тудо староста пашам шуктен толын. 1974 ий гыч тӱҥалын «Литератур шыже» семинарыштко коштын. Икымше почеламут сборникше 1985 ийыште савыкталт лектын да «Поҥго йӱр» маналтын. Тылеч вара «Вӱдшӱдыр», «Мераҥ шовыч» да моло книга-влакат ош тӱням ужыныт. Ятыр возымо муро мутшылан семым келыштарыме, тыге Василий Крыловын возымо "Роза-Розмари", "Эре коктын", "Лач пырляште весела" марий муро-влак коклаште ик эн йӧратыме улыт. 2010 ийын сорла тылзын 4-ше кечынже Василий Васильевичын ӱмыржӧ кӱрылтын. Сорла тылзын 13-ше кечынже Савык пӧртыштӧ Василий Васильевич дене чеверласымаш лийын. Поэтым шочмо верыштыже — Морко кундемысе Арыныште тоеныт.

Тӱҥ произведенийже-влак

Поҥго йӱр : почеламут-вл. [Грибной дождик: стихи]. Йошкар-Ола, 1985.16 с.
Вӱдшӱдыр : ойлымаш-вл. [Звезды в воде : рассказы]. Йошкар-Ола, 1989.48 с.
Мераҥ шовыч : почеламут-вл. [Зайчихин платок: стихи]. Йошкар- Ола, 1991. 32 с.
Ондри шыргыжеш : повесть // Эрвий. Йошкар-Ола, 1993. С. 3—28.
Сескем : хрестоматий [Искра] / сост. В.Крылов. Йошкар-Ола, 1994.152 с.
Поро кече : инсценировко, сценарий, сценке, такмак, пьесе-вл. [Добрый день : инсенировки, сценарии, сценки, частушки, пьесы]. Йошкар-Ола, 1995. 176 с.
Изеҥер : почеламут-вл. [Ручеек: стихи]. Йошкар-Ола, 1995. 24 с.
Математика чондай : занимат. материал [Математическая шкатулка]. Йошкар-Ола, 1997. 112 с.
Пайрем ӱстелтӧрыштӧ : чаркамут-вл. [За праздничным столом : тосты]. Йошкар-Ола, 2000. 80 с.
Ой , книга, книга...: сценарий-вл. [Ой ты, книга, книга...: сценарии]. Йошкар-Ола, 2003. 56 с.
Лудшаш книга [Книга для чтения для 4 кл.] / Авт. П.Емельянов, В.Крылов. Йошкар-Ола, 2003. 200 с.
«Эке-моке» манам да...: кайдарчык да койдарчык такмак-токмак орлаҥге [Сатир, и юморист, частушки]. Йошкар-Ола, 2005. 24 с.
Лач пырляште весела : почеламут, муро-вл. [Вместе веселей : стихи, песни]. Йошкар-Ола, 2006. 128 с.
Кӧн кидыште бинокль? : пьесе-вл. [В чьих руках бинокль : пьесы]. Йошкар-Ола, 2006. 88 с.
Шинчам пӱялын : мыскара аршаш [Строя глазки : юморески]. Йошкар-Ола, 2006. 28 с.
Кувырдик-йывылдик : мыскара почеламут-вл. [Все наоборот : юмор. стихи]. Йошкар-Ола, 2007. 72 с.
Тӱс аршаш : почеламут-вл. [Радуга цветов : стихи]. Йошкар-Ола, 2008.12 с.

Моло йылмылаш кусарыме произведенийже-влак

Считалка ; Хитрая Аню ; Быстрее шагаю ; Картуз ; Вездеход ; Сластена : стихи / пер. на рус.
В.Борисова, Н.Беляевой // Дружба. Йошкар-Ола, 1985. С. 212—214.
Звезды в воде : рассказы / пер. на чуваш. Р. Петро во й-Ахти ми рово й. Чебоксары, 1999. 20 с.
По обе стороны маленькой речки два дедушки...: стихи / пер. на коми В.Тимина // Уна рома сикош. Сыктывкар, 2002. С. 74.
Туман ; Дед и внук / пер. М.Альтерович // Антология лит. фин- угор. нар. Поэзия. 2006. С. 122—123.

Илышыже да творчествыже нерген литератур

Егоров В. Мераҥ шовычым кӧ пидын? // Марий коммуна. 1991. 21 нояб.
Васинкин А. Пеҥгыде лийже поэзий шулдырет// Ончыко. 2003. № 4. С 63-69.
Писатели Республики Марий Эл : автобиобиблиогр. сб. Йошкар- Ола, 2004. С. 40-41.
Крылов В. Чылажат лийын икымше // Марий Эл. 2006. 14 апр.
Василий Васильевич Крылов: указ. лит. / сост. Л.Дроздовская, ред.
А.Васинкин. Йошкар-Ола, 2007. 52 с.
МБЭ. Йошкар-Ола, 2007. С. 194.
Анисимов Э. Лач пырляште весела // Марий Эл. 2007. 3 март. Эманова А. Илыш тошкалтыш кӱш кӱзыкта // Кугарня. 2008. 2 май.
Виногорова Е. Мастарлыкым шуарыме пагыт// Марий Эл. 2008. 8 май.

Чап

Россий Cерызе-влак ушемын йыжъеҥже (1993).
Марий Эл Республикысе тӱвыран сулло пашаеҥже (1996).
Марий Эл Республикын Кугыжаныш Погынын Чапкагазше.
Россий Серызе-влак ушемын Чапкагазше.
Марий Эл Республикын Тӱвыра, савыктыш да калык паша шотышто министерствын Чапкагазше.

Кылвер-влак

Литератур

Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. - Йошкар-Ола, 2007. С. 194.
Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 359-361.
Кугарня (газет) 2008 ий 2 май.
Марий Эл (газет) 2007 ий 3 март.