Беляева, Наталья Константиновна

Википедий — эрыкан энциклопедий гыч материал
Перейти к навигации Перейти к поиску
Наталья Константиновна Беляева
Наталья Беляева
Шочмаш дене лӱм:

Наталья Константиновна Беляева

Тыршымаш алан:

серызе, кусарыше, журналист

Шочын:

1943 ий 24 ӱярня(1943-03-24)

Шочмо вер:

РСФСР, Угарман вел, Вад кундем, Вад сола

Гражданство/Подданство:

Совет Ушем Совет Ушем
Россий Россий

Колен:

2013 ий 6 теле(2013-12-06) (70 ий)

Колымо вер:

Йошкар-Ола

Чап пӧлек да премий:

Наталья Беляева (Наталья Константиновна Беляева) (1943 ӱярня 24, РСФСР, Угарман вел, Вад кундем, Вад сола —6 теле 2013, Йошкар-Ола) — руш серызе, кусарыше, журналист, Марий Эл Республикысе тӱвыран сулло пашаеҥже (1990), Марий Эл Республикын сулло журналистше (2000).

Илыш корныжо[тӧрлаташ | вики-текстым тӧрлаташ]

Наталья Беляева 1943 ийын ӱярня тылзын 15-ше кечынже Угарман вел Вад кундем Вад солаште шочын. 1960 ийыште кыдалаш школым пытарен да Горький оласе педагогический институтыш пурен. Кӱшыл тунеммаш нерген дипломым налмек, Горький область Арзамас районысо Вторус тӱҥалтыш школышто туныктышылан ыштен. Вара Горький олаште студент клубым вуйлатен.

Икмыняр ий гыч пӱрымаш Н. Беляевам Коми АССР-ысе Ухта олаш конден, тыште тудо оласе газет дене кылым кучаш тӱҥалын. Тудын журналист мастарлыкшым вигак ужыныт. Вашке гыч тудо Ухтасе телевидений студийын корреспондентше лиеш.

Еш амал дене Йошкар-Олаш илаш кусна. Тыште тудым Телевидений да радиовещаний шотышто комитетыш пашаш налыт. Но тудын журналист семын тыршымыже радио- да телеэфир дене веле серлаген огыл. Икмыняр ий гыч тудо «Пачемыш» журналыште фельетон пӧлкам вуйлаташ тӱҥалын, вара тудым тӱҥ редакторын алмаштышыжлан шогалтеныт.

«Приключения в Абсурдии» икымше йомак-повестьше Марий книга издательствыште 1991 ийыште лектын. Тылеч вара «Голубые столбы Тиэлии» (1993) да «Тайна Вероники» (2008) книгаже-влак савыкталтыныт. Н. Беляеван возымыжым, тыгак тӱшка сборник ден альманахлаште савыкталтше-влакымат, йоча-влак кумылын вашлийыныт да лудыныт.

1990 ийлаште Н. Беляева марла гыч рушлаш ятыр кусарен. Шукыжым тиде С. Вишневскийын, М. Казаковын, Ю. Галютинын, В. Бояринован, В. Ошэлын, М. Майнын, М. Большаковын да молын возымышт лийын. Прозымат рушлаш кусарен, тыште В. Абукаев-Эмгакын «Рейс 13–13» повестьшым палемдаш лиеш.

Марий Эл Республикысе тӱвыран сулло пашаеҥже (1990), Марий Эл Республикын сулло журналистше (2000) чап лӱм-влак дене палемдалтын.

Тӱҥ произведенийже-влак[тӧрлаташ | вики-текстым тӧрлаташ]

  • Меняла ; Болезнь ; Хитрое время : стихи // Дружба. Йошкар-Ола, 1986. С. 183—184.
  • Хрустальный ключ : повесть-сказка // Дружба. Йошкар-Ола, 1990. С. 183—217.
  • Приключения в Абсурдии : повесть-сказка. Йошкар-Ола, 1991. 92 с.
  • Наперекор страху: повесть // Дружба. Йошкар-Ола, 1991. С. 33—80.
  • Голубые столбы Тиэлии: фантаст, повесть. Йошкар-Ола, 1993. 224 с.
  • Находка : рассказ // Русское слово Марий Эл. Йошкар-Ола, 2004. С. 234—235.
  • Тайна Вероники : фантаст, повести. Йошкар-Ола, 2008. 272 с.

Марлаш кусарыме произведенийже[тӧрлаташ | вики-текстым тӧрлаташ]

Абукаев-Эмгак В. Рейс 13-13 : повесть // Современная марийская повесть. Йошкар-Ола, 2004. С. 167—201.

Илышыже да творчествыже нерген литератур[тӧрлаташ | вики-текстым тӧрлаташ]

  • Шакирова А. Сказочница // Кече. 1995. № 1. С. 9.
  • Краткая биогр. справка // Русское слово Марий Эл. Йошкар-Ола, 2004. С. 234.

Беляева Наталья Константиновна // Артеменко Е., Прокушев Г. Нижегородцы Марий Эл. Кн. 1. Йошкар-Ола, 2007. С. 64—75.

Чап[тӧрлаташ | вики-текстым тӧрлаташ]

Литератур[тӧрлаташ | вики-текстым тӧрлаташ]