Апталиков, Виктор Борисович

Википедий — эрыкан энциклопедий гыч материал
Перейти к навигации Перейти к поиску
Виктор Борисович Апталиков
Виктор Апталиков, Aptalik
Тыршымаш алан:

актёр, мурызо, семмастар, аранжировщик, продюсер

Шочын:

1984 ий 13 шорыкйол(1984-01-13) (35 ий)

Шочмо вер:

РСФСР, Марий АССР, Йошкар-Ола

Гражданство/Подданство:

Совет Ушем Совет Ушем
Россий Россий

Виктор Борисович Апталиков (Виктор Апталиков, Aptalik) (1984 шорыкйол 13, РСФСР, Марий АССР, Йошкар-Ола) — марий актёр, мурызо, семмастар, аранжировщик, продюсер.

Илыш корныжо[тӧрлаташ | вики-текстым тӧрлаташ]

Виктор Апталиков 1984 ийын шорыкйол тылзын 13-шо кечынже Йошкар-Олаште шочын. 1-ше гыч 9-ше класс марте Йошкар-Оласе 18-ше №-ан школышто (кызыт Бауманский лицей) тунемын. Ангелина ден Сергей Речкинмытын вуйлатыме «Узоры» йоча образцовый ансамбльыш мураш коштын. 10—11 класслаште 27-ше №-ан школышто шинчымашым поген.

Школ деч вара И.С.Палантай лӱмеш тӱвыра да сымыктыш колледжыште вокальный отделенийыште Марий Элын Калык артистше Владимир Ромашкинын классыштыже тунемын.

Шинчымашым келгемдаш манын, 2005 ийыште Моско оласе ГИТИС-н музыкальный театр факультетышкыже пура.

2008—2013 ийлаште — Москонцертын артистше. Тушто пашам ыштыме ийлаште Москошто эртаралтше ятыр кугу кӱкшытан концертыште руш да йот йылмыла дене романсым, Совет пагытысе семмастар-влакын мурыштым йоҥгалтарен. Тылеч посна шуко йот элым ужын коштын: Чехий, Польша, Германий, Турций да молат. Польшысо Карпач олаште, Литвасе Вильнюс олаште лауреат лӱмым сулен. М. Шкетан лӱмеш Марий кугыжаныш драме театрыште «Юмынӱдыр» мюзиклыште Салийын рольжым чоҥен, Марий Эл Республикысе йоча да самырык-влаклан театр-рÿдерыште «Синяя птица» спектакльыште модеш.

2014 ийыште «Ял ӱмбалне мужыр йӱксӧ» кинофильмыште Санун рольжым модаш ӱшаненыт. Калыкыште Василий Павловын йоҥгалтарыме «Кузе мый тыйым йӧратем» мурыж дене палыме.

Марий Элыште эртаралтше тӱрлӧ концертлаште да мероприятийлаште калыкым мурыжо-влак дене куандара, эстрадный муро-влакым воза, рэпымат лудеш. Шкежым семмастар да аранжировщик семын терга, моло-влакланат семым да аранжировкым воза.

Мурыжо-влак[тӧрлаташ | вики-текстым тӧрлаташ]

  • Кузе мый тыйым йӧратем.
  • Шӱм теҥызем.
  • Тый улат мыланем.
  • Йӧраталме таҥем (Надежда Пашкина дене пырля).
  • Йӧратымаш ила.
  • Кычалам моторем.
  • Чонемлан шокшо.
  • Шошо (Вадим Протасов дене пырля).
  • Нелеш ит нал.
  • Келшена, ныжылем .

Кылвер-влак[тӧрлаташ | вики-текстым тӧрлаташ]