9 Кылме

Википедий — эрыкан энциклопедий гыч материал
Кылме
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2014 ий

9 Кылмегригориан кечышот почеш идалыкын 313-шо (кужемдыме ийлаште 314) кечыже. Идалык пытыме марте 52 кече кодеш.

Пайрем-влак[тӧрлаташ]

  • Фашизм, расизм да антисемитизм ваштареш кучедалме кече палемдалтеш.

Лӱмгече[тӧрлаташ]

Шке лӱмгечыштым Марк, Капитолина, Степан, Терентий, Максим, Афанасий ден Андрей-влак палемдат.

Мо лийын[тӧрлаташ]

Тыгак ончо: Категорий:9 Кылме Мо лийын

  • 1938 ий — Германийыште нацист-влак еврей-влакым поктылаш тÿҥалыныт.
  • 1989 ий — Берлин пырдыжым сÿмырымö паша тÿҥалын.

Кӧ шочын[тӧрлаташ]

Тыгак ончо: Категорий:9 Кылме Кӧ шочын

  • 1935 ий — Михаил Матвеевич Глазырин, администраций вуйлатыше, Марий республикын сулло чоҥышыжо. Киров велыште шочын. 8 ий Марстройтрестыште инженерлан тыршыме деч вара «Маригражданстройыш» вончен, а 1983-1990-ше ийлаште Министр-влак погын вуйлатышын алмаштышыже сомылым шуктен да Кугыжаныш Погынын депутатше лийын. Суапле пашажлан «Знак Почёта» да Паша Йошкар Знамя орден-влак, ятыр чап танык дене палемдалтын.
  • 1960 ий — Дмитрий Викторович Шахтарин, Марий Элын сулло журналистше. Ончычсо паша корныжо шочмо Кужэҥер кундемысе комитет дене кылдалтын. Но 1991-ше ий гыч журналистик пашашке куснен: ончыч «Республика», вара «Марийская правда» газет редакцийын пашаеҥже лийын. Кок тӱжемше (2000) ийыште Кужэҥер кундемысе погынын вуйлатышыжлан шогалын.
  • 1958 ий — Вячеслав Анатольевич Кольцов, журналист, радиовӱдышӧ, Марий Элын сулло журналистше. Тудо Морко кундемыште шочын-кушкын. Марий кугыжаныш университетым тунем лекмек, Марий радиошто пашам ышташ тӱналын. 1996-шо ий гыч «Эркас» ушемын художественный вуйлатышыже лийын, а 2001-ше ий гыч «Марий Эл» телерадиокомпанийын радио редакторлан пашам ышта. «Мик-мек» мыскара муро ансамбльын чолга мурызыжо лийын.
  • 1971 ий — Ирина Николаевна Мищенко, спорт пашаеҥ. Йошкар-Олаште шочын. 13 ияш улмыж годымак вӱдыштӧ ийме спортлан шӱмаҥын, но кок ий гыч дзюдош куснен. Российысе чемпионатын ший, Совет Ушем чемпионатын той призёржо лийын. 1990-ше ийыште – Марий Элын эн сай спортсменже. Кызыт Америкыште ила.
  • 1971 ий — Алевтина Петровна Кузнецова, журналист, туныктыш пашаеҥ, йылмызе, радиовӱдышӧ. Шочынжо тудо Пошкырт Эл, Мишкан кундем, Тымбай ялыште. 2007-ше ий гыч Алевтина Петровна «Марий Эл ТВ» телекомпанийыште пашам ышта, «Марий Эл Радион» эфирыштыже «Теме ден комментарий» рубрикым вуда.

Кӧ колен[тӧрлаташ]

Тыгак ончо: Категорий:9 Кылме Кӧ колен

Калык пале[тӧрлаташ]

Тиде кечын товатлыме мутым шукташак тыршыман. Ешыште кугу ойго лийын гын, Юмо деч тудым тöрлаш, чоным луштараш йодыныт. А эрласе кечылан, тауштымо амал дене, черкыш каен – сортам чÿктеныт.