8 Кылме

Википедий — эрыкан энциклопедий гыч материал
Кылме
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2014 ий

8 Кылмегригориан кечышот почеш идалыкын 312-шо (кужемдыме ийлаште 313) кечыже. Идалык пытыме марте 53 кече кодеш.

Пайрем-влак[тӧрлаташ]

  • КВН-ын кечыже. Ты кечын 1961-ше ийыште канде экраныште КВН команде-влакын икымше модмашышт эртен.

Лӱмгече[тӧрлаташ]

Кылме тылзын кандашымше кечынже Дмитрий, Василий да Марк-влакын лӱмкечышт.

Мо лийын[тӧрлаташ]

Тыгак ончо: Категорий:8 Кылме Мо лийын

  • 1793 ий — Парижысе Лувр тоштер семын посетитель-влаклан почыныт.
  • 1895 ий — немыч шымлызе Вильгель Рентген «рентген толкыным» почын. Тудын открытийже деч вара рентгеным ышташ тÿҥалыныт.
  • 1975 ий — «Сторожевой» лÿман корабльыште капитан Валерий Саблин восстанийым нöлталын: тудо кугыжаныш партий аппаратым вашталташ йодын. Тидлан тудым вара лÿен пуштыныт.

Марий тӱняште[тӧрлаташ]

  • 1861 ий — Юлсер кундем Шарача селасе черкым да школым чоҥеныт.
  • 1984 ий — изи планета-влакым шымлыше рӱдер ик планетылан «Йошкар-Ола» лӱмым пуэн.

Кӧ шочын[тӧрлаташ]

Тыгак ончо: Категорий:8 Кылме Кӧ шочын

  • 1923 ий — Вениамин Михайлович Иванов, серызе. У Торъял кундем Чобык ялыште шочын. Кугу Ачаэл Сар корным эртымек, книга савыктышыште, «Ончыко» журнал редакцийыште тыршен. 3 ий республикысе писатель-влак ушемын вуйлатышыже лийын. Вениамин Михайлович кугу чапым лирик прозыжо дене сулен. Поснак ойыртемалтше улыт «Ломберсолаште», «Саскавий», «Кок илыш» повестьше да «Тӱтан» ден «Арслан» романже-влак. А «Канде пеледыш» пьесыж почеш спектакльым Марий кугыжаныш драмтеатрын сценыштыжат шынденыт. Суапле пашажлан кугыжаныш чап танык дене палемдалтын.
  • 1950 ий — Сергей Васильевич Свинин, партий да озанлык пашаеҥ. Кӱшыл шичымашым Марий кугыжаныш университетыште налын. 1983-шо ийыште обкомын ял озанлык пӧлка инструкторлан пашам ышташ тӱҥалын, вара агрокомбинатыштат шуаралтын. А 1991-1995-ше ийлаште ял озанлык министерствын тӱҥ агрономжо сомылым шуктен шоген. 4 ий Россий Федераций кугыжаныш думын депутатше лийын.
  • 1956 ий — Сергей Валентинович Казанцев, инженер. Йошкар-Олаште шочын. Тудын паша корныжо Марий политехник институт дене кылдалтын: 9 ий ты вузысо чоҥымаш материал кафедрын ассистентшылан тыршен. Чоҥымо пашашке негызын рационал конструкцийым пуртымыжлан кугыжаныш премий дене палемдалтын. Техник наука кандидат.

Кӧ колен[тӧрлаташ]

Тыгак ончо: Категорий:8 Кылме Кӧ колен

Калык пале[тӧрлаташ]

Дмитрийын кечыже. Тиде кечынат тошто еҥым уштеныт, а илыше-влаклан тазалыкым йодыныт. Кастене икте-весым свежа пура дене сийленыт.