31 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
2014 ий

31 Сорла — григориан кечышот почеш идалыкын 243-шо (кужемдыме ийлаште 244) кечыже. Идалык пытыме марте 122 кече кодеш.

Пайрем-влак[тӧрлаташ]

Лӱмгече[тӧрлаташ]

Сорла тылзын пытартыш кечынже Георгий, Денис, Егор, Емельян, Иван, Лавр, Макар, Фрол, Юрий, Богдан, Марк – влакын лӱм кечышт.

Мо лийын[тӧрлаташ]

Тыгак ончо: Категорий:31 Сорла Мо лийын

  • 1935-ше ийыште Донбасс шахтёр Алексей Стаханов мландешӱйым лукмо нормым 14 пачаш кугемден. Тыге «стахановский движений» шочын.
  • 1986-шо ийыште Новороссийск воктене «Адмирал Нахимов» пассажир лайнер вӱд йымак каен.
  • 1990-шо ийыште ГДР ден ФРГ ушнымышт нерген вашкелшыкым кидым пыштыме.

Кӧ шочын[тӧрлаташ]

Тыгак ончо: Категорий:31 Сорла Кӧ шочын

  • 1940 — Людмила Константиновна Елизарова, туныктыш пашаеҥ, Марий Элын калык туныктышыжо. Тудо мӱндыр Узбекистан элыште шочын-кушкын. Марий кугыжаныш педагогик институтым тунем лекмек, Волжск оласе 3-шо №-ан школышто туныктышылан пашам ышташ тӱҥалын, вара 7-ше да 6-шо №-ан школлаште тыршен. Чыла школыштыжат Людмила Константиновна тоштер пашам вӱден шоген, профессионал конкурслаште ятыр гана сеҥышыш лектын.
  • 1945 — Виталий Лаврентьевич Богданов, журналист да поэт. Тудо Шернур вел Купран ял гыч. Пашам «Марий Эл» газет редакцийыште ыштен. Сылнымут аланыштат кугу чапым сулен: «Мый шыргыжмашым шочынам тӱрлаш» книган авторжо. Калык кызытат тудын пашаже-влакым куанен лудеш да порын-порын шарна.
  • 1946 — Александр Александрович Соловьёв, полиграфист, Марий Элын сулло тӱвыра пашаеҥже. Тудо гын Звенигово кундем Нурда ял гыч. Кугыжаныш савыктыш комитет вуйлатышын алмаштышыжлан да тӱҥ инженерлан 7 ий тыршыме деч вара, республикысе полиграфий-редакций ушемын вуйлатышыжлан шогалын. 1993-2002-шо ийлаште марий савыктыш комбинатын вуйлатышыже лийын.
  • 1955 — Наталия Игоревна Кожанова, туныктыш пашаеҥ да журналист, Марий Элын сулло шанче пашаеҥже. Паша корныжо Марий кугыжаныш техник университет дене кылдалтын. Но журналистик пашаштат шуаралтеш: «12 регион телекомпаний» ушемыште тырша.
  • 1955 — Александр Иванович Винокуров, туныктыш пашаеҥ. Тудо Татарстан кундемысе Альметьевск олаште шочын-кушкын. Марий кугыжаныш университетысе химий да биологий факультетысе тӱҥ химий кафедрыште ынде ятыр ий тырша. Химий шанче кандидат. Марий Элын сулло туныктыш пашаеҥже.
  • 1966Зоя Александровна Тимофеева (Зоя Вис-Вис), журналист да сылнымут мастар. Калыкыште тудым Зоя Вис-Вис лӱм дене палат. Кӱшыл шинчымашым Крупская лӱмеш Марий кугыжаныш педагогик институтышто налын. 1996-шо ий гыч Зоя Александровна «Кугарня» газетыште тыршаш тӱҥалын. 1999-ше ий гыч Российысе журналист–влак ушемыш пурен. «Саска – кӱмӧ пагыт», «Турням уэш каваште» почеламут сборник – влакын авторжо. Кызыт «Бизнес в Марий Эл» газет редакцийыште пашам ышта да возымо пашажым умбакыжат шуя.
  • 1967Коковихин, Александр Михайлович, руш поэт, Олык Ипай лӱмеш премийын лауреатше. Ятыр сылнымут книган авторжо.

Кӧ колен[тӧрлаташ]

Тыгак ончо: Категорий:31 Сорла Кӧ колен

Калык пале[тӧрлаташ]

  • Флорын да Лаврын кечыже. Ты кечын кресаньык-влак шке имньыштым кандареныт, нимогай пашаш луктын огытыл. Ӱдырамаш-влак икте-весе дек унала кошташ тӱҥалыныт.