2 Идым

Википедий — эрыкан энциклопедий гыч материал
Идым
Шч Кш Вр Из Кг Шм Рш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
             
2014 ий

2 Идымгригориан кечышот почеш идалыкын 245-ше (кужемдыме ийлаште 246) кечыже. Идалык пытыме марте 120 кече кодеш.

Пайрем-влак[тӧрлаташ]

  • Россий гвардийын кечыже.
  • Полицийын патруль-пост службыжын кечыжым палемдат.
  • Нефть, газ да топливо йӧнозанлыкыште тыршыше-влакын пайремышт.

Лӱмгече[тӧрлаташ]

Идым тызын кокымшо кечынже шке лумгечыштым Виктор, Иван, Максим, Никон, Тимофей да Федор – влак палемдат.

Мо лийын[тӧрлаташ]

Тыгак ончо: Категорий:2 Идым Мо лийын

  • Русь князь Олег Византий дене икымше вашкелшыкым пеҥгыдемден.
  • 1918 ий — ВЦИК-ын ыштыме Революций-сарзе советын ушем вуйлатышылан Лев Троцкийым шогалтыме.
  • 1945 ий — кокымшо тӱнямбал сар мучашлалтын. Лач тиде кечын Японийын капитуляцийже нерген актыш кидым пыштыме.

Кӧ шочын[тӧрлаташ]

Тыгак ончо: Категорий:2 Идым Кӧ шочын

  • 1934 — Роза Вениаминовна Артищева, туныктыш пашаеҥ да уста музыкант, Россий Федерацийысе тӱвыран сулло пашаеҥже. Шернур посёлкышто шочын. Паша корныжо тӱрыснек Йошкар-Оласе сем училищ дене кылдалтын: тыште Роза Вениаминовна музык теорий дисциплиным туныктен. Тӱвырам шымлымаште да моткоч кугу специалистлан шотлалтеш: ятыр семмастар-влакын илыш-корнышт да творчествышт нерген пашам савыктен.
  • 1948 — Анатолий Геннадьевич Попов, кугыжаныш да озанлык пашаеҥ. Шернур посёлкышто шочын. Ончычсо паша корныжо завод чоҥымаш дене кылдалтын. 8 ий Анатолий Геннадьевич Йошкар-Оласе йолчием фабрикым вуйлатен, тыгодымак Россий кугыжаныш погынын депутатше лийын. 1997-2000-шӧ ийлаште тудо Марий Элыште Россий Президентын ӱшанъеҥже лийын. Информатизаций академийын чолга корреспондентше.
  • 1959 — Лидия Аркадьевна Михайлова, тӱвыра пашаеҥ. Провой кундем Аркамбал ялыште шочын. Паша корныжо Красноярскысе книгапӧртыштӧ тӱҥалын, 1997-ше ий гыч Лидия Аркадьевна кундемысо тӱвыра пӧлкаште пашам ышташ тӱҥалын, а 2 ий гыч вуйлатышыжат лийын. Марий калыкын мер пашаштыжат шке вийжым ончыкта: 7-ше марий калык погынын делегатше лийын.
  • 1962 — Владимир Анатольевич Маркин, кугыжаныш пашаеҥ. Украиныште шочын-кушкын. Кӱшыл шинчымашым налме деч вара «Биомашприбор» ушемыште пашам ышташ тӱҥалын. 1997-ше ий гыч Марий Эл Президент администрацийысе секретариатыштыже тырша, вуйлатыше мартеат шуын. Кызыт гын печать да коммуникаций кучемын вуйлатышылан тырша.

Кӧ колен[тӧрлаташ]

Тыгак ончо: Категорий:2 Идым Кӧ колен

Калык пале[тӧрлаташ]