1 Ага

Википедий — эрыкан энциклопедий гыч материал
Ага
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
             
2014 ий

1 Агагригориан кечышот почеш идалыкын 121-ше (кужемдыме ийлаште 122) кечыже. Идалык пытыме марте 244 кече кодеш.

Пайрем-влак[тӧрлаташ]

Ага тылзын икымше кенчынже икымше май пайрем эртаралтеш. Май пайремым шукертсек палемдаш тӱҥалыныт. Кум тӱжем ий ончыч Ожнысо Италийыште илыше–влак Майя юмылан ӱшанен улыт. Тудын лӱмеш шошын пытартыш тылзыжым май маныныт, а икмыше кечынже кугу пайремым ыштеныт. Россий империйыште тиде кечым икымше гана 1890-ше ийыште Варшавыште палемденыт, а 1891 ийыште Санкт-Петербургышто. Россий Федерацийыште тиде кече шошо да паша пайрем семын палемдалтеш.

Лӱмгече[тӧрлаташ]

Ага тылзын икымше кечынже Антон, Василий, Виктор, Григорий, Ефим, Иван, Кузьма, Михаил, Иосиф–влакын лӱм кечышт.

Мо лийын[тӧрлаташ]

Тыгак ончо: Категорий:1 Ага Мо лийын

  • 1923 — Шернур кантоныш пурышо Пыламарий ялыште Марий автоном областьыште икымше радио ойлаш тӱҥалын.
  • 1840 ийыште Английыште почто марке-влакым лукташ тӱҥалыныт: нуно тӱнямбалне икымше лийыныт.
  • 1918 ийыште Ходын пасушто Йошкар Армийын икымше сарзе парадше лийын.
  • 1944 ийыште Моском аралымылан орденым пеҥгыдемдыме.

Кӧ шочын[тӧрлаташ]

Тыгак ончо: Категорий:1 Ага Кӧ шочын

  • 1940Юрий Иванович Галютин-Ялзак, марий поэт, прозаик, драматург, журналист. Икмыняр жап милицийыште пашам ыштыме деч вара журналистика пашашке куснен. 1970-ше ий гыч тудо «Марий коммуна» газетыште кусарышылан, литсотрудниклан да корреспондентлан ыштен. Вара 10 ий книга савыктымаште тыршен. Умбакыже «Пачемыш», «Марий Эл» газет редакцийлаште шуаралтын. А кызыт «Ончыко» журнал редакцийыште пашам ышта да лудшо-влакым у деч у пашаже-влак дене куандара. Юрий Иванович - Марий Элын калык писательже.
  • 1936Андрей Ефимович Егошин, партий да кугыжаныш вуйлатыше, Россий Федерацийысе ял озанлыкын сулло пашаеҥже. Шкеже тудо Шернур кундем Лопка Памаш ял гыч. 45 ий ончыч Шернур районысо комитетын вуйлатышыжлан тыршаш тӱҥалын. Вара У Торъял да Марий Тӱрек кундемлаштат тыршен. Тудын суапле пашажлан - Марий Элысе ял озанлык нерген книгажым шотлаш лиеш.
  • 1952Анатолий Васильевич Незнакин, семмастар, Россий Федерацийысе сымыктышын сулло пашаеҥже. У Торъялыште шочын. Тиде талантан айдеме – «Маски» балетын, «Вальс под кукушку» монооперын, кум симфонийын авторжо. 5 ий Марий Элысе семмастар-влак ушемын вуйлатышыже лийын.
  • 1951Виталий Никифорович Шкалин, журналист, литератор да бизнесъеҥ, Марий Элын сулло журналистше, Россий Федерацийысе тӱвыран сулло пашаеҥже палемда. 1988-ше ийыште тудо «Пачемыш» журналын тӱҥ редакторжылан пашам ышташ тӱҥалын. Лач тудын ойжо почеш 1995-ше ийыште Козьмодемьянск олаште «Бендериада» сатир да мыскара фестивальым эртарыме. Ятыр книган авторжо.

Кӧ колен[тӧрлаташ]

Тыгак ончо: Категорий:1 Ага Кӧ колен

Калык пале[тӧрлаташ]