17 Пургыж

17 Пургыж — григориан кечышот почеш идалыкын 48-ше кечыже. Идалык пытыме марте 317 (кужемдыме ийлаште 318) кече кодеш.

Вуйлымаш

Пургыж тылзын латшымше кечынже Георгий, Кирилл, Николай, Сидор, Юрий, Лука, Юлиан–влакын лӱм кечышт.

1863 --- Йошкар Ырес комитет чоҥалтын.
1886 --- Морко кундем, Кожлаер тӱҥ школым почмо.
1919 --- Царевококшайск лӱмым Краснококшайскыш вашталтыме.
1973 — «Чодыра сем» (Лесная легенда) икымше марий балетын премьерыже лийын. Авторжо – уста семлызе Анатолий Борисович Луппов.

1946 --- Яшмолкин, Алексей Кириллович, сымыктыш пашаеҥ да семлызе, Россий Федерацийын сулло сымыктыш пашаеҥже. Марий кугыжаныш филармонийысе «Марий Эл» ансамбль оркестрын артистшылан ыштен. Йошкар-Оласе сем училищыште икмыняр ий туныктымо деч вара, 13 ий Республикысе семлызе ушемын вуйлатышыже лийын. 2001-ше ий гыч Марий кугыжаныш университетын тӱвыра да сымыктыш кафедрын доцентше. «Рекрут муро» вокал циклын, симфоний да камер сем, муро-влакын авторжо.

1955 — Геннадий Валерьянович Алексеев, марий прозаик. «Ямде лий» йоча газет да «Марий Элын туныктышыжо» журнал редакций-влакын, Марий книга савыктышын вуйлатышыже лийын. Йошкар-Оласе Шнуй Ырес лютеран черкын дьяконжылан тыршен. Прозо дене возымо ныл книган авторжо.

1941 --- Календовский, Альберт Борисович, тазалык аралтыш пашаеҥ, Марий республикын сулло эмлызыже Ульяновск кундемыште шочын. Марий кундемыш 1964-ше ийыште толын, Красногорский посёлкысо сар инвалид-влакым эмлыше госпитальыште пашам ышташ тӱналын, а ныл ий гыч 1 №-ан республикысе эмлымверыш куснен. Тудо универсал хирурглан, лу пластик дене да ложный суставым эмлымаште специалистлан шотлалтеш.

1932 --- Николаев, Сергей Николаевич, тазалык аралтыш пашаеҥ, Марий республикын сулло эмлызыже. Морко кундемыште шочын. Морко районысо эмлымверыште 30 ий наре тӱҥ эмлызылан ыштен.

1940 --- Никитин, Валерий Валентинович, шанче-археолог, Марий Эл республикын сулло шанче пашаеҥже. 1971-ше ий гыч Марий шанче да шымлыше институтышто археологий пӧлкан шанче пашаеҥжылан тыршаш тӱналын. 100 наре шанче пашан, икмыняр книган авторжо. Историй шанче доктор.