14 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
2014 ий

14 Сорла — григориан кечышот почеш идалыкын 226-шо (кужемдыме ийлаште 227) кечыже. Идалык пытыме марте 139 кече кодеш.

Пайрем-влак[тӧрлаташ]

  • Мӱкш илян кече. Тиде пайрем, мӱкш ешын мӱйым поген шуктымыжым ончыкта. Мӱкш илян дечын вара, кеҥеж мучашлалтын, шыже велышке кусна маныныт. Пӱтым кучышо-влаклан таче мӱйым кочкаш лиеш. Тиде кечын, эн нужна, йорлыжат мӱйым тамлышаш.

Лӱмгече[тӧрлаташ]

Гурий, Елизар, Александр, Леонтий да Семён-влакын лӱм кечышт.

Мо лийын[тӧрлаташ]

Тыгак ончо: Категорий:14 Сорла Мо лийын

  • 1457-ше ийыште «Псалтирь» лӱман икымше книга лектын.
  • 1775-ше ийыште Ектерина Кокымшо кугыжан кӱштыкшӧ почеш Запорожская Сечь мланде Российлан куснен.
  • 1986-шо ийыште КПСС ЦК-ан кӱштыкшӧ почеш Сибирьысе эҥер-влакын йогыныштым вашталтыме сомылым чарен шогалтыме.

Кӧ шочын[тӧрлаташ]

Тыгак ончо: Категорий:14 Сорла Кӧ шочын

  • 1933Виктор Васильевич Васильев, туныктыш пашаеҥ, химий шанче кандидат. Моркысо педучилищым тунем лекмек, ты районысак Себеусад да Кугу Кожлаял школлаште туныктышлан пашам ыштен. Вара паша корныжо Марий кугыжаныш педагогик интститутышто шуйнен, а 1972-1999-ше ийлаште Виктор Васильевич Марий кугыжаныш университетыште тыршен: химий кафедрым вуйлатен. 20 утла шанче пашан авторжо.
  • 1954Геннадий Юревич Ярыгин, футбол арбитр да организатор. Марий кугыжаныш педагогик институтышто спорт дисциплин кафедрыште пашам ыштымыж годым «Буревестник» студент командым чумырен. Тиде команда Россий кӱкшытысӧ модмаштат ик гана веле огыл сеҥыше радамыш лектын, а Марий Элын чемпионжо лӱмым 4 гана сулен. 70-ше ийлаште Геннадий Юрьевич судья семынат тыршаш тӱҥалын, 2 ий Россий чемпионатын кӱшыл лигыжын тӱҥ судьяже лийын. 1990-2005-ше ийлаште Марий Элысе футбол федераций президиумын чолга еҥже лийын.
  • 1954 — Александр Васильевич Преподобный, полиций пашаеҥ. Шочын-кушкын тудо Украин велыште. Ынде ятыр ий тудо криминал полиций вуйлатышылан пашам ышта, тыгодымак элкӧргӧ министрын икымше алмаштышыже сомылым шукта.
  • 1980Александр Веткин, марий эстрада мурызо. Шкеже тудо Курыкмарий кундем Яшмолкино ял гыч. Саша тӱвыра аланыште тырша. Солист семынат чапланен.

Кӧ колен[тӧрлаташ]

Тыгак ончо: Категорий:14 Сорла Кӧ колен

Калык пале[тӧрлаташ]

Ты кече мӱй дене чот кылдалтын. Изижге-кугужге мӱйым кочкыныт. Но южо кундемлаште маке кушкылланат кугу тӱткышым ойыреныт. Маке нӧшмӧ дене тӱрлӧ кочкышым ямдыленыт.