Шкалин, Виталий Никифорович
| Виталий Никифорович Шкалин | |
|---|---|
| Виталий Шкалин | |
| Шочмаш дене лӱм | Виталий Никифорович Шкалин |
| Шочын | 1951 ий 1 шорыкйол (73 ий) |
| Шочмо вер | РСФСР, Марий АССР, Шернур кундем, Ономучаш ял |
| Чап пӧлек да премий |
|
Виталий Шкалин (Виталий Никифорович Шкалин) (1951 шорыкйол 1, РСФСР, Марий АССР, Шернур кундем, Ономучаш ял) — марий серызе, журналист, Марий Эл Республикын сулло журналистше (1993), Россий Федерацийысе тӱвыран сулло пашаеҥже (1999), Россий Серызе-влак ушемын йыжъеҥже (2006).
Илыш корныжо[тӧрлаташ | кодым тӧрлаташ]
Виталий Шкалин 1951 ийын шорыкйол тылзын 1-ше кечынже Марий АССР Шернур кундем Ономучаш ялеш служышо ешеш шочын. Шернурысо интернат-школышто, кыдалаш школышто тунемын. 1966 ийыште Марий радиомеханический техникумыш пурен. Кӱшыл шинчымашым Озаҥ университетыште налын (1978). 1991 ийыште Российысе социально-политический институтым пытарен.
1977–1979 ийлаште слесарь-сантехниклан, Озаҥ оптико-механический заводысо шуко тиражан газетын пашаеҥжылан ыштен. 1979 ий гыч – «Пачемыш» марий койдарчык журналыште. 1988 ий гыч – журналын тӱҥ редакторжо. Савыктыш пашалан праван да газет ден журнал-влакым ужалыше киоск-влакым кучышо «Пачемыш-Оса» фирмым почын. 1992 ий гыч – регионысо Всё для вас газетым савыктыше да тӱҥ редакторжо. Козьмодемьянскыште (Ильф ден Петров почеш: Васюкиште) ий еда эртаралтше «Бендериада» койдарчык да мыскара фестивальлан тӱҥалтышым ыштен (1995 ий годсек эртаралтеш).
Литератур да журналистике дек 1970 ийлаште кумылаҥын. Фельетоным, мыскара ойлымашлам возен. Ятырышт СССР-ысе койдарчык журналлаште савыкталтыныт. Тудын пашажлан кугу акым А.Арканов пуэн. В.Шкалинын икымше книгаже Марий книга издательствыште 1989 ийыште лектын, тудо «Перейдём на «ты» маналтын. Варажым «Босиком по паркету», «Зеркало на двоих» книгаже-влак лектыныт.
Правительствын ятыр наградыже, ты шотышто Правительствын (2000), Кугыжаныш Погынын (2004), РМЭ Тӱвыра министерствын (2006) чап грамотышт дене палемдалтын. «За преобразование Нечерноземья РСФСР» медаль (1986), РФ Журналист ушемын «За заслуги перед профессиональным сообществом» чап палыже (2006) дене наградитлалтын. «РМЭ-н сулло журналистше» (1993), «РФ тӱвыран сулло пашаеҥже» (1999) чап лӱмым пуымо. Россий писатель ушемыш 2006 ийыште пурталтын.
Тӱҥ произведенийже-влак[тӧрлаташ | кодым тӧрлаташ]
- Перейдем на «ты» : диалоги, размышления. Йошкар-Ола, 1989. 132 с.
- Босиком по паркету : юморист, рассказы. Йошкар-Ола, 1991. 240 с.
- Зеркало для двоих : 33 рассказа под шепот дождя. Казань, 2001. 304 с. ; М., 2001. 296 с.
- Про лягушку Ксюшу : рассказ // Русское слово Марий Эл. Йошкар-Ола, 2004. С. 266—270.
Илышыже да творчествыже нерген литератур[тӧрлаташ | кодым тӧрлаташ]
- Кто есть кто в Марий Эл : биографический справочник. Йошкар-Ола, 2002. С. 597.
- МБЭ. Йошкар-Ола, 2007. С. 406.
Чап[тӧрлаташ | кодым тӧрлаташ]
«РСФСР-ын Шеммландыдымыжым вестӱрлемдымылан» медаль (1986).
Марий Эл Республикын сулло журналистше (1993).
Россий Федерацийысе тӱвыран сулло пашаеҥже (1999).- Марий Эл Республик Виктерын Чапкагазше (2000).
- Марий Эл Республикын Кугыжаныш Погынын Чапкагазше (2004).
- Марий Эл Республикын Тӱвыра, савыктыш да калык паша шотышто министерствын Чапкагазше (2006).
- Россий Федераций Журналист-влак ушемын «За заслуги перед профессиональным сообществом» чап тамгаже (2006).
