УЕФА Чемпион Лиге

Википедий — эрыкан энциклопедий гыч материал
УЕФА Чемпион Лиге
UEFA Champions League
Файл:Логотип Лиги Чемпионов УЕФА.jpg
Европо
1955
32 (тӱшка таҥасымашыште)
76 але 77 (чылажге)
Италий Интер (3)
Испаний Реал Мадрид (9)
www.uefa.com

УЕФА Чемпио́н Ли́ге (англичанла UEFA Champions League) — УЕФА ушемын эн лӱмлӧ Европо кӱкшытысӧ клуб-влак кокласе футбол турнир. Кажне ийын эрта. Чемпион лигым 1955-ше ийыште чоҥеныт. Европышто эн виян футбол клуб-влак тушто таҥасат. Сандене тӱҥалтышыште тудым "Европо чемпион-влакын Кубокышт лӱмденыт". А кызытсе лӱмым 1992-шо ийыште гына налын. Чемпион Лигыште мадридысе «Реал» эн шуко гана сеҥымашым налын – 9 гана.

Эртымгорно[тӧрлаташ | кодым тӧрлаташ]

Европо Чемпион-влакын Кубокышт таҥасымашым эртараш 1955 ийыште журналист Габриель Ано шонен пыштен. Йолташыж дене пырля Европын Кубокшым эртареныт. Вара таҥасымаш-влак УЕФА ушемын лӱм денже эртаралтыныт. Шуко жап эртыме радам тыгае ыле: кажне кугыжаныш деч ик эн виян клуб толын. Кок модмаш деч вара кок клуб гыч иктыже таҥасымаш гыч кораҥын. Чыла куштылго ыле, сеҥалтат – мӧҥгӧ кает. 1992 ий гыч УЕФА эртарыме радамым вашталта. Ынде команде-влак эн ончыч тӱшкаште таҥасат. Турниржат Чемпион Лиге лӱмым налын. Кызыт УЕФА-ште тошто да кызытсе жаплан тиде чемпионатым ок пайле. Ончыч кок тӱшка гына лийын, кок ий гыч ныл тӱшкашке команде-влакым пуртылыныт. 1997 ий гыч турнирыште 6 тӱшка лие. 1998 ийыште Чемпион Лиге эн кугу оксам кондышо футбол таҥасымашышке савырнен. УЕФА, куанымыж дене, матч-влакым шукемден. Ныл тургым почыла Чемпион Лигыште матч-влак йӱдшӧ-кечыже эртеныт. Мутат уке, калык тиддеч ноен. Ончаш чарненыт, УЕФА-лан окса толмо иземын. Тунам гына матч-влакын чотыштым иземденыт. Да эше ик саемдымашым 13 ий ончыч вучен шуктышна. Шке элыште чемпион лӱмым налше-влакым гына огыл турнирыш пуртеныт. Тыге ик кугыжаныш деч ныл команде марте таҥасымашшке ушнен кертеш.

Таҥасымашын чапмурыжлан Фредерик Гендельын «Священник Садок» семым ойыреныт. Чемпион Лиге турнирын кажне матч деч оныч лач тиде сем йоҥга, кунам футбол стадион покшелне кугу тистым шарат…