Кышкар:Тидым палаш оҥай/28 Ӱярня 2010
А тый палет, икымше марий поэмым кӧ возен?
Гурий Кармазин-Эвай «Марла календарьыште» икымше марий поэмым 1910 ийыште савыктен. Тудо «Вувер кува» маналтеш. Гурий Кармазин кугу суапле пашам ыштен, «Ӱжара» газетышкат эреак возен шоген. Валериан Васильев дене пырля йылме йодышым тӧрлен, шочмо йылме дене икмыняр учебникым да полшыкым ямдылен. 1937 ийыште Гурий Кармазиным арестоватленыт, «Буржуазный националист» семын 1938 ийыште Ага тылзын 10 кечынже лӱеныт.