Копылова, Марина Леонидовна

Википедий — эрыкан энциклопедий гыч материал
Марина Леонидовна Копылова
Марина Копылова, М.К., Твой Тряпичкин
Шочмаш дене лӱм Марина Леонидовна Копылова
Шочын 1959 ий 17 сорла(1959-08-17) (64 ий)
Шочмо вер РСФСР, Марий АССР, Йошкар-Ола
Чап пӧлек да премий

Марий туныктыш институтын Чапкагазше (1991), Марий Эл Республикын Тӱвыра, савыктыш да калык паша шотышто министерствын Чапкагазше (2004)

Марина Копылова (М.К., Твой Тряпичкин) (Марина Леонидовна Копылова) (1959 сорла 17, РСФСР, Марий АССР, Йошкар-Ола) — руш серызе, почеламутчо, журналист, Россий Cерызе-влак ушемын йыжъеҥже (2003).

Илыш корныжо[тӧрлаташ | кодым тӧрлаташ]

Марина Копылова 1959 ийын сорла тылзын 17-ше кечынже Марий АССР Йошкар-Олаште шочын. Школым пытарымек, республикысе типографийын комыжлымо цехыштыже ыштен. Ик ий гыч Н.К. Крупская лӱмеш МГПИ-н историко-филологический факультетшын студенткыже лийын, кум курсым тунемын. Тыгодымак посна еҥ дечын музыклан да академический вокаллан тунемын. 1980–1983 ийлаште Республикысе Руш академический драмтеатрыште сӱретче-декораторлан ыштен. МВД ДК пеленсе самырык-влакын театр студийыштым вуйлатен. Вара Москош каен, Ролан Быковын рӱдерже пеленсе «Магистраль» ден «Чёрная курица» сылнымут ушемыш коштын. Эрыкан колыштшо семын ВГИК-ын сценарий пӧлкажын курсыштыжо лиеден.

1984–1990 ийлаште Москосо полиграфий институтышто тунемын. Тунеммыж годым М.В. Ломоносов лӱмеш МГУ пелен СССР-ысе калык-влакын фольклор ден этнографийыштын Самырык-влакын рӱдерыштын Славян студийышкышт коштын.

Институтым пытарымек, М. Горький лӱмеш Литератур институтын аспирантурышкыжо пурен. Андрей Платоновын творчествыжым шымлен. «Молодая гвардия», «Сельская молодёжь», «Трамвай» журналлаш возен. Республикыш пӧртылмек, 1995–1996 ийлаште «Вертеп» фольклор-театр тӱшкам чумырен, вара тудо йӱлаш пурышо культурылан да тудым шарыше-влаклан полшышо «Сретенье» самырык-влакын Марий республиканский мер организацийышкышт савырнен.

М. Копылова 1980 ийлаште ик гана веле огыл «Сылнымут шыже» семинар-каҥашлаште (Йошкар-Ола) лиеден. Самырык фольклорист-влакын Всесоюзный семинарыштышт (Руза, 1987), Российысе антрополог ден этнограф-влакын конгрессыштышт лийын.

Шке сылнымут пашажым тудо эртак фольклор дене кылден. Ик гана веле огыл шанче-практик конференцийлаште мутым ойлен, сылнымут таҥӱчашлаште вийжым терген, ончыл верым наледен. Марий туныктыш институтын (1991), РМЭ Тӱвыра министерствын (2004) Чап грамотышт дене палемдалтын.

Шкенжын южо журналист да сылнымут пашажым «М.К.» да «Твой Тряпичкин» шоялӱм дене палемда. 2003 ий гыч Россий писатель ушемын йыжыҥъеҥже.

Тӱҥ произведенийже-влак[тӧрлаташ | кодым тӧрлаташ]

  • Розовая лошадь : рассказ // Лит. Россия. М., 1987. 13 марта.
  • Страстная началась... ; Где нас нет — упадают снега... // Дружба. Хрустальный ключ. Йошкар-Ола, 1990. С. 102—103.
  • Для чего двору ворота? : сказка-игра // Трамвай. М., 1991. № 3.
  • Песни поются для радости. Ч. 1.: Село наше Шулкой зовут. Йошкар-Ола, 1991.
  • Розовая лошадь; Криксы: сказки и стихи для взрослых и детей. М.; Йошкар-Ола, 1991. 60 с.
  • Пурпур мантий кардинальских : стихи // Дружба. Йошкар-Ола, 1991. С. 80-86.
  • Кот Котофеич : пьеса для детей // Детская роман-газета. 1998. № 4.
  • В поисках костяной иглы : [кн. очерков и аутентич. фольклор, текстов из жизни вятской деревни XX в.]. Йошкар-Ола, 2001. 168 с.
  • Пьески для уличного и домашнего театра. Йошкар-Ола, 2003. 80 с.
  • Ветлы на серой дороге : стихи // Русское слово Марий Эл. Йошкар-Ола, 2004. С. 312—313.
  • Ребенок под шубой : рассказы. Йошкар-Ола, 2006. 76 с.
  • Золотой чемоданчик: рассказ // Ончыко. 2006. № 11. С. 159—162.
  • Поход : рассказ // Дружба. Время пить херши. Йошкар-Ола, 2007. С. 157-173.

Илышыже да творчествыже нерген литератур[тӧрлаташ | кодым тӧрлаташ]

Чап[тӧрлаташ | кодым тӧрлаташ]

Литератур[тӧрлаташ | кодым тӧрлаташ]