Вената (дуэт)
| Вената | |
|---|---|
 «Идалыкысе муро» фестивальыште. П.Васильевын фотожо | |
| Тӱҥ увераҥар | |
| Жанр-влак | ныжыл муро |
| Ий-влак | 2007-кызытсе жап марте |
| Эл |
 Марий Эл |
| Ола | Йошкар-Ола |
| Мурын йылме | марий йылме |
| Состав |
Татьяна Антропова, Вера Николаева |
| http://vk.com/id69854101 | |
Вената — марий семлык дуэт. Вера Николаева ден Татьяна Антропова дуэтыште мурат. Калыкыште ныжыл эстраде муро-влакым йоҥгалтарымышт дене палыме улыт. «Тылат» мурышт Марий Эл Радион хит-парадыштыже ик гана веле огыл икымше верыш лектын, Идалыкысе муро лӱмымат сулен. «Вената» дуэт чӱчкыдын «Каче-влак» группа дене пырля мурат.
Вената лӱм кузе шочын
[тӧрлаташ | кодым тӧрлаташ]
П.Васильевын фотожо
Вената лӱмым ӱдыр-влаклан пуат. Дуэтлан лач тиде лӱмым пуымо шотышто мурызо-влак тыге умылтарат: ВЕра Николаева, Антропова ТАтьяна гыч тӱҥалтыш буква-влакым ойырымо дене шочын. Тыгай шонымаш йӧршын вучыдымын, ӱдыр-влакын маршруткышто кудалмышт годым шочын.
Мурызо-влак нерген
[тӧрлаташ | кодым тӧрлаташ]Вера Николаева ден Татьяна Антропова изак-шолякын икшывышт улыт, шкешт Поранча кундемыште шочын-кушкыныт: Вера – Ондропсолаште, Татьяна – Матародышто. Варажым Вера Матародышко марлан лектын, изиш жап эртымеке мурызо-влак ешышт дене Йошкар-Олашке илаш кусненыт.
Вера Николаеван Станислава лӱман ӱдыржӧ кушкеш. Татьяна Антропова воспитатель-педагоглан ышта, Матвей лӱман эргым кушта.
Мураш тӱҥалме нерген
[тӧрлаташ | кодым тӧрлаташ]«Кугарня» газетлан интервьюшто Вера ден Татьяна мураш тӱҥалме нерген тыге каласеныт:
|
Татьяна лачак «Марий Эл радион» концертышкыже мийыме годым Вера шӱжарже деч йодын: «Мураш ынде тунемынат, а ончыкшым тиде пашам ворандараш шонет уке?» Тудыжо «шонем» манын пелештен, а икмыняр жап гыч пырля муралташ темлен. Тыге Вера ден Татьяна ӱмаште «Ший памаш» конкурс годым икымше гана сценышке лектыныт, а «Вената» дуэт семын декабрьыште шке возымо «У ий» мурыштым йоҥгалтареныт. Ӱдыр-влакын палемдымышт почеш, тӱҥалтыште нуно шке репертуарыштым утларак да утларак пояҥдаш тыршеныт, а ынде сценыште пашам ыштыман, яллашке лектын коштман. Вет нуным таче радио гоч ятыр муро дене сайын палат гын, шкеныштым южыжо ик ганат эше ужын огыл. Сандене «Ит йом», «Молан», «Сылне жап, «Ал пеледыш», «Тылат», «Улат шонымем» да моло мурымат зритель ончылно угыч да угыч мураш кӱлеш. |
|
Сеҥымаш-влак
[тӧрлаташ | кодым тӧрлаташ]- 2011 ий — I вер, «Ший памаш» II регион-влак кокласе финн-угор муро фестиваль-конкурсышто «Вокальные ансабли» номинацийыште.
- 2011 ий — II вер, «Национальный достояние» калык-влак кокласе конкурс.
- 2011 ий — I вер, «Чолман йӱк» конкурсышто.