Айгильдин, Мирон Байгильдинович
| Мирон Байгильдинович Айгильдин | |
|---|---|
| Мирон Айгильдин | |
| Шочын | 1939 ий 1 пургыж |
| Шочмо вер | Башкир АССР, Калтаса кундем, Павасола ял |
| Колен | 2000 ий 1 кылме (61 ий) |
Мирон Айгильдин (Мирон Байгильдинович Айгильдин) (1939 пургыж 1, Башкир АССР, Калтаса кундем, Павасола ял — 1 кылме 2000) — марий серызе, журналист, тӱвыра пашеҥ.
Илыш корныжо
[тӧрлаташ | кодым тӧрлаташ]Мирон Айгильдин 1939 ийын пургыж тылзын 1-ше кечынже Башкир АССР Калтаса кундемысе Павасола ялыште кресаньык ешеш шочын. 1953 ийыште шымияш школым тунемын пытарен. Вара Совет Армий радамыш служитлаш пурен. Запасыш лекмеке комсомол путёвко почеш Алтайыш куснен. Тушто чоҥымашыште тыршен, вара Камель олан ялозанлык техникумышко тунемаш пурен. 1965-1975 ийлаште шочмо кундемыштыже ветфельдшерлан пашам ыштен. Тиде жапыштак Новосибирскысе ялозанлык институтышто заочно 1977 ий марте тунемын.
Тунеммаш пагыт пытымеке Мирон Байгильдинович «Ӱжара» газет редакцийыште тыршаш тӱҥалын, редакторын алмаштышже марте шуын. 1999 ийыште сулен налме канышыш лекме деч ончыч Тӱвыра пӧрт директор да библиотекарьлан ыштен.
Сылнымут паша
[тӧрлаташ | кодым тӧрлаташ]Мирон Айгильдинын икымше ойлымашыже 1951 ийыште Калтаса кундемысе «Ленин корно» газетыште савыкталтын. Вара шке произведенийже-влакым «Марий комунна» газет да «Ончыко» журнал лаштыклаште савыктен. Тӱрлӧ издайнийлаште 150 ойылымаш наре ош тӱням ужын.
1980-ше ийыште Марий книга савыктышыште «Кинде там» проза книгаже лектын. 80-ше ийлаште Айгильдин «Негыз» романым возен. 1990-ше ийлаште ойлымашыже-влак «Чолман» газетыште савыкталтыныт.
Кугу Авамланде сар темылан «Шинчавӱдан пайрем» повесть пӧлеклалтын, тудым «Ончыко» журналыште серызын колымыж деч вара савыктыме.
Мирон Айгильдинын возымыжо сюжет ойыртемалтме, образ-влакым почмо, да сылнымут йылмышке эрвелмарий диалектым моштен пуртымаш дене лудшылан келша.
Тӱҥ произведенийже-влак
[тӧрлаташ | кодым тӧрлаташ]- Сутлык: ойлымаш // Ончыко. 1971. № 3. С. 77—81
- Тул поч: ойлымаш // Ончыко. 1972. № 2. С. 75—78.
- Торасе шудырын волгыдыжо : ойлымаш // Ончыко. 1977. № 6 С. 61-66.
- Кинде там : ойльшаш-влак [Вкус хлеба : рассказы]. Йошкар-Ола, 1980.112с.
- Айгильдин, М. Ждем новых авторов / М.Айгильдин//Заря.- 1981.- 27 марта.- С.4.
- Айгильдин, М. Тоска по знакомой дорожке / М.Айгильдин//Заря.- 1982.- 2 июня.- С.3.
- Шарнымаш куэр: изи повесть// Ончыко. 1986. № 5. С. 8—26.
- Ужарсолаште : ойлымаш // Ончыко. 1991. № 1. С. 76—79.
- «Край любимый, сердцу снятся…»//Заря. – 1991.- 28 марта .- С.4.
- Пире : ойлымаш// Марий Эл. 1997. 16—18 сент.
- Айгильдин, М. Алал кумыл дене / М.Айгильдин//Чолман.- 1997.- 2-8 апр.-С.4.
- Узьмакыш корно : ойлымаш // Марий Эл. 1998. 17 сент.
- Ускырт: ойлымаш // Марий Эл. 1999. 11,12 февр.
- Рушарня венте : ойлымаш // Марий Эл. 2000. 15, 16, 20, 21 июнь.
- Шинчавудан пайрем : повесть//Ончыко. 2001. № 4. С. 133—164.
Илышыже да творчествыже нерген литератур
[тӧрлаташ | кодым тӧрлаташ]- Краткая биограф, справка // Кинде там : ойлымаш-вл. Йошкар-Ола,1980. С. 2.
- Ирдуганов, А. Наш селькор – автор книги/А.Ирдуганов//Заря.-1981.-5мая С.4.
- Друзья и коллеги. Памяти друга:некролог/Друзья и коллеги//Заря.-2000. – 11 нояб. – С.4
- Иолташнам шарнен илаш туьгалына // Ужара. Калтасы, 2000. 22 нояб.
- Павасолан мутюзыжо // Ончыко. 2001. № 4. С. 132.
- Мирон Айгильдин //Писатели Марий Эл: биобиблиографический справочник/ сост.: А.Васинкин, В.Абукаев и др. – Йошкар –Ола: Марийское книжное изд-во, 2008. – С.33-34.
- Наш кор. Юбилей писателя/Наш кор.-Калтасинская заря.-2009.-28 февр.-С.2.
Кылвер-влак
[тӧрлаташ | кодым тӧрлаташ]- Мирон Айгильдин.(руш)