Кож

Кож (лат. Picea) – ӱмыржӧ мучко ужарге, 30 м наре кӱкшытан, конусым ушештарыше парчан, шелыштедалтше да сур шӱман пушеҥге. 30–50 тӱрлӧ кож еш уло. Марий Элыште кож Йылымбалны шӹренок вашлиялтеш.

Кож май кыдалне – июнь тӱҥалтышыште, ломбо ден ик жапыште пеледеш. Пӱгыльмысӧ кичкыже пелелме ийынак, шыжым шуэш. Имыже ныл шӧрынан, лаптыргыше да шуркалыше; укшышто нуно 6–7 ий шинчат.

Кож Российын кыдал да йӱдвел ужашыштыже чодыра гай кушкеш, коклаштышт моло пушеҥге-влакат вашлиялтыт. Марий Элыште кожер Оршанке – Какшан тӧваканрак тӧр верысе лышташан-иман чодыраште вашлиялтеш да нулго дене пырля Марий-Виче кӱкшакам айлат.