20 шыжа

Википедий — эрыкан энциклопедий гыч материал
(Колтымо 20 Шыжа гыч)
Шыжа
Шч Кш Вр Из Кг Шм Рш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
2017 ий

20 шыжа (20 октябрь) — григориан кечышот почеш идалыкын 293-шо (кужемдыме ийлаште — 294-ше) кечыже. Идалык пытыме марте 72 кече кодеш.

Пайрем да памятный дате-влак[тӧрлаташ | вики-текстым тӧрлаташ]

  • Россий Россий — Российысе сарзе-теҥыз флотын шочмо кечыже.
  • Россий Россий — Сарзе связистын кечыже.
  • Организация Объединённых Наций ООН — Статистик кече.
  • Авиадиспетчер-влакын калык-влак кокласе пайремышт.
  • Повар-влакын калык-влак кокласе пайремышт.

Лӱмгече[тӧрлаташ | вики-текстым тӧрлаташ]

Шыжа тылзын колымшо кечынже Сергей, Пелагея, Марк, Иосиф, Николай да Юлиан – влакын лӱм кечышт.

Событий-влак[тӧрлаташ | вики-текстым тӧрлаташ]

Тугак ончо: Категорий:Шыжа тылзын 20 кечысе событий-влак

  • 1480 — летопись почеш «стояние на Угре» лӱман исторический факт лийын. Моско кугыжаныш татар-монгол-влак деч утлен. Йӧзакым тӱлаш чарнен.
  • 1714 — Пётр Первый кугыжа у кӱштыкым луктын: тудо Санкт-Петербург деч моло олаште кӱ полат-влак чоҥымым чарен.
  • 1880 — Цветной бульварыште верланыше Моско цирк икымше сеансым эртарен.

Марий тӱняште[тӧрлаташ | вики-текстым тӧрлаташ]

  • 1886 — Морко кундемысе Коркатово лицейлан негызым пыштеныт.
  • 1931 — Козьмодемьянск оласе йоча усталык пöртым почмо.

Шочыныт[тӧрлаташ | вики-текстым тӧрлаташ]

Тугак ончо: Категорий:Шыжа тылзын 20 кечынже шочшо-влак

  • 1926 — Андрей Андреевич Кудрявцев, артист да режиссёр. Шуко жап тудо Шкетан лÿмеш кугыжаныш драме театрыште пашам ыштен. 18 ий марий телевиденийыште режиссёр сомылым шуктен шоген.
  • 1928 — Василий Иванович Ижболдин, журналист, серызе. Пошкырт Эл Калтаса кундемысе Кокуш ялыште шочын. Йошкар-Олашке 1972-шо ийыште толын да Марий радиошто пашам ышташ тӱҥалын: тӱҥ редактор сомылымат шуктен. Вара «Пачемыш» журналын редакторжо лийын. «Кайыккомбо корно», «Настук» повесть, «Турий» романын, «Паяш» мыскара ойпогын авторжо. Суапле пашажлан кугыжаныш чап танык дене палемдалтын.
  • 1930Сергей Иванович Иванов, театр актер, режиссёр, Россий Федерацийын сулло артистше, Марий Эл сымыктышын сулло пашаеҥже шочмо кечыже. Тудлан – 82 ий. Сергей Иванович Юлсер кундем Элнеттӱр ял гыч. Помар кыдалаш школым тунемын пытарымек, Палантай лӱмеш музыкал-театрал пӧлкашке тунемаш пурен. Тунемме жапыштыжак спектальлаште модаш тӱҥалын. А ГИТИС деч вара Шкетан лӱмеш драм театрыште режиссёр семын пашам ыштен. Марий тӱвырам вияҥдымаште тудын надырже моткоч кугу: 1963-шо ийыште Сергей Иванович икымше марий «Акпытыр» оперым шынден.
  • 1950Мария Каликаевна Илибаева, журналист, серызе. Шкеже тудо Пошкырт Эл Балтач кундемысе Туктай ял гыч. Лудшо-влак Мария Илибаевам Мария Акаш лӱм денат палат. «Кечан ӱмылыштӧ», «Вес тӱняш ямдылалташ» роман-влакын, «Йӧратымаш тулшол» да «Орина кува» повесть-влакын авторжо.
  • 1956 — Антонида Ксенофонтовна Михайлова, ял озанлык пашаеҥ. Морко кундем Елейкино ялыште шочын. Паша корныжо шочмо велысе «Родина» колхоз дене кылдалтын: тыште тудо 26 ий ушкал лӱштышылан тыршен. Икмыняр гана Россий кӱкшытыштӧ эртаралтше ӱчашымаште сеҥыше радамыш лектын. Кӱшыл погынын депутатше лийын. Пашам тыршен ыштымыжлан Антонида Ксенофонтовна «Паша Чап» 3-шо степенян орден дене палемдалтын.

Коленыт[тӧрлаташ | вики-текстым тӧрлаташ]

Тугак ончо: Категорий:Шыжа тылзын 20 кечынже колышо-влак

Калык пале[тӧрлаташ | вики-текстым тӧрлаташ]

  • Сергий Печорскийын кечыже. Тиде кечылан лум возын гынат, пушеҥгысе лышташ-влакым онченыт: пушеҥгылаште лышташ эше шуко гын – теле саадак вашке ок тол.