Шочмо нерген таныккагаз

Википедий — эрыкан энциклопедий гыч материал
Совет Ушем жапысе шочмо нерген таныккагаз.

Шочмо нерген таныккагаз - йоча шочмым регистрацийыш пуртымо нерген пеҥгыдемыше кагаз. Тиде документыште йоча да ача-ава нерген возымо. Шочмо нерген таныккагаз йочан 14 ийым теммешкыже ик тӱҥ элъеҥ улмым палдарыше документ.

Таныккагаз нерген[тӧрлаташ | кодым тӧрлаташ]

ХХ курым мучаште шочмо нерген таныккагаз изирак ужар тӱсан кнага семын лийын. Кызытсе жаплан тиде А4 кугытан кагаз да вӱд тамга-влак дене палемдалтше документ. Шочмо нерген таныккагазыште серий ден номер палемдалтеш.

Шочмо нерген таныккагазым возымаш[тӧрлаташ | кодым тӧрлаташ]

Шочмо нерген таныккагазыш данный-влакым кид денат, возышо машине полшымо денат сераш лиеш. Данный-влак кид дене возалтыт гын, лудаш йӧрышо канде але шем тӱсан возымо пасте дене погалтшаш улыт. Возышо машине але компьютер дене данный-влак палемдалтыт гын, шем тӱсан чия дене возалтшаш улыт. Возымо чиян , пастын качествыже сай лийшаш. Документыште возымо пале-влак аралалтме жапыште лудаш йӧрышо кодшаш улыт. Шочмо нерген таныккагазыш данный-влакым пуртымо годым тӧрлатылмаш амыртымаш мут кӱчыкемдымаш лийшаш огыл.

Шочмо нерген таныккагазышке Ешшот серкалыме пӧлкан пашаеҥже але таныккагазым пуышо вес кугыжаныш кучемын (мутлан консульствын) пашаеҥже кидпалым пыштышаш. Кидпале воктене тукым лӱм, лӱм, ача лӱм рашемдалт возалтшаш да печать дене пеҥгыдемдалтшаш.

Кызытсе жаплан шочмо нерген таныккагазыште ача-аван "калык шочшо" графа кумыл дене возалтеш, але удыралтыш пале шындалтеш. Эллыкым пуымо годым шочмо нерген таныккагаз пелен посна калыкым ончыктышо кагаз пуалтеш, а таныккагазыште тидын нерген пале кодеш. 2007 ий февраль тылзе гыч тыгай кагаз-влакым огыт пу, шочмо нерген таныккагазыште вес могырым йочан эллык нерген штамп шындалтеш. Тошто эллык нерген палемдымашан кагазын йочан 14 ийым теммыж марте юридик вийже уло, сандене тудым вашталташ нимолан.

Шочмо нерген таныккагазым налме радам[тӧрлаташ | кодым тӧрлаташ]

Йочан шочмо нерген таныккагазым ача-ава, ийготыш шушо икшыве шкеак, опекун але ончен куштышо-влак налын кертыт, документым Ешшот серкалыме пӧлкаште пуат. Шочмо нерген таныккагазым йомдарымеке, илыме верысе Ешшот серкалыме пӧлкашке увертарыман.