Чодыра сем (балет)

Википедий — эрыкан энциклопедий гыч материал
Перейти к навигации Перейти к поиску

Чодыра сем (рушла Лесная легенда) — икымше марий балет (1973), семым А.Б.Луппов возен.

Кузе шочын[тӧрлаташ | вики-текстым тӧрлаташ]

Балетлан музыкым А.Б.Луппов 1971 ийыште возаш тӱҥалын да вес ийыште пытарен.

Либреттожым ямдылымаште композитор шкежат тыршен, балетмейстер Валентина Наваевалан тудым марий калык йомак негызеш возаш темлен. Балетын героиньыжланат Эрика лӱмым тудо ӱмыр лугыч лийше йолташыжым, композитор Эрик Сапаевым, шарныме лӱмеш пуэн.

1973 ий 17 пургыж тунамсе марий музык театрыште "Чодра семым" икымше гана ончыкталтын. Балетым эстон Энн Рая шынден.

Вара 90-шо ийлаште у балетмейстер-постановщикын тыршымыж денат сценыш лукмо. Но 2000 ийыште тиде балетым автор шкеак, паленак, репертуар гыч кораҥден.

2005 ийыште балетым кумшо гана шындыме да 15 ӱярняште ончыктымо. Спектакль кӱчыкрак да кумылым нӧлтышӧ, шинчам сымыстарыше лийже ман ыштеныт. Кум акт гыч кокытым веле кодымо. Лупповын "Чодыра сем", "Замок Шеремета", "Кӱрылтшӧ пайрем" - кум балетше гыч сем-влакым, ужашын-ужашын налын, иктыш чумырымо. Тиде пашам Россий сымыктышын сулло пашаъеҥже Иван Егоров, концертмейстер Надежда Кузнецова шуктеныт, декорацийым сӱретче Б.Голодницкий ямдылен. Аксайым Дмитрий Марасанов, Кереметым Александр Зверев, Эрикам Светлана Севрюгина, Шайвим Екатерина Кужнурова куштеныт.

Негыз[тӧрлаташ | вики-текстым тӧрлаташ]

  1. "Марий Эл" газет, 05.03.2005, 09.04.2005.