Урал-4320

Википедий — эрыкан энциклопедий гыч материал

Урал-4320 — 6х6 орава формула, неле корнышто кудалышташ келыштарыме грузовой автомашина. Уралысе автомобильный заводышто Миасс олаште Российысе армийлан келыштаралтше модификаций-влакат улыт.

Урал-4320 автомашинам чыла тӱрлӧ корныштат калыкым, грузым , буксир трейлерым шупшыкташ келыштарыме. Тыглай грузовой автомашина дене таҥастарымаште чот ойыртемалтеш: куштылгын купан вер гычын кудал эрта, 1,5 метр келгыт вӱдым кудал эртен сена, 2 метр келгыт лакым вонча, 60% курык кӱкшытыш кӱзен кертеш.

1977 ийыште лукташ тӱҥалме грузовой автомашина кызытсе жап марте лектын шога.

Урал-375Д модель дечын тӱҥ ойыртем- дизель двигатель.

Ончыч Урал-4320 автомашинаш КАМАЗ-740 двигательым шынденынт. 1993 ийыште КАМАЗ двигательым луктын шогышо завод йӱлен, двигательым лукмым чарненыт . Тыге ЯМЗ-238, ЯМЗ-236 двигательым шындаш тӱҥалыныт. Тиде двигатель дене автомашина кужу мотор отсек дене ойыртемалтеш.

2009 ий гычын автомашинаш у стеклопластик материал гыч ончыл ужашым ыштыме кабиным шындаш тӱҥалыныт.

Автомашинан модификацийже-влак[тӧрлаташ | кодым тӧрлаташ]

Арктикылан да пожар машина.
  • Урал-4320-19- кужу шасси
  • Урал-4320-09-31- бронироватлыме автомашина. Кабиным тичмаш бронироватлыме ужаш гычын ыштыме, бронироватлыме янда, тулым лукташ амбразура, неле сейф сынан омса. Кӧргӧ гычын замок дене петыралтеш. Кабина кӱвар , леведыш бронелист гыч улыт, леведышыште- бронироватлыме люк верланен, кудыжым пулемётлан кучылташ лиеш. Кабина кок еҥлан келыштарыме, посна шинчышаш вер дене. Тидын дечын посна кӧргышто йӱдым ужаш келыштарыме прибор, радиаций , химий аярым эскерыше оборудований, армийысе радиостанций верланен.

Автомобильын тӱжвал ужашыште радиатор тураште "кӱртньӧ маскым" вераҥдыме, капот ден ӧрдыж ужашым бронелышташ дене пеҥгыдемдыме. Аккумулятор яшлык ден топливо бочкым тыгак бронироватлыме. Кузовышто тент йымалне 15-20 салтаклан келыштарыме вер уло.

  • "Урал-Тайфун"- 6-шо уровень дене бронироватлыме чылт у тукым автомашина. Шке ончычсо тукымжо дечын чот ойыртемалтеш. У тукым автомашина-влак российысе армийыш 2015 ийыште толаш тӱҥалыт.

Кылвер-влак[тӧрлаташ | кодым тӧрлаташ]