Умурбаева, Татьяна Витальевна

Википедий — эрыкан энциклопедий гыч материал
Перейти к навигации Перейти к поиску
Татьяна Умурбаева
Умурбаева Татьяна Витальевна
Тыршымаш алан:

мурызо

Шочын:

1974 ий 26 сорла(1974-08-26) (44 ий)

Шочмо вер:

Аначево[d]

Гражданство/Подданство:

Россий

Сайт:

Вконтакте сайтыште

Татьяна Умурбаева (26 Сорла 1974 ий, Пошкырт Эл Алач ял) — марий мурызо.

Биографий[тӧрлаташ | вики-текстым тӧрлаташ]

Татьяна Витальевна Умурбаева 1974 ийын 26 августышто Пошкырт Элысе Илиш кундемын Алач ялыште шочын. Верысе школышто кандаш классым тунем пытарен. Вара Октябрьский оласе музыкальный училищын хорово-дирижерский отделенийыштыже тунемын. Училище деч вара шкеныштын ялысе школышто пений предмет дене туныктышылан ышташ тÿҥалеш. Тыгодымак самодеятельностьышто чÿчкыдын выступатла.

Пошкырт Элыште илымыжлан кӧра концертлаште утларакшым татарла мурашыже логалын. Икана Станислав Шакировын мурыжо-влакым возымо кассетым колыштынат, тунамак Марий Элышке толаш кумылаҥын. Изиш лиймеке, шонымыжым шукташ амал лектын. Йошкар-Олаште «Ший памаш» (1995 ий) республиканский конкурс лийшашым колын.

Школышто икмыняр кечылан отпускым налынат, Йошкар-Олашке толын. Тыште Таня тунамак вес йогыныш логалын. Марий филармоний пелен «Мари» ансамбльым вуйлатыше Валерий Кульшетов тудым пашаш налаш йодмашым возыктен. Тыге Пошкырт кундем гыч конкурсышто участвоватлаш шонен толшо самырык мурызо у коллективыш логалеш. Тушто трио дене мурымашке ушна, шкетынат мура. Южо мурыжым Марий телевиденийланат возымо. Нунын коклаште — В. Кульшетовын «Сÿремда курык», В. Захаровын «Шÿм» да В. Регеж-Гороховын «Суомиш серыш» почеламутшылан шке возымо мурыжо. Семым келыштарыме пашам икымше гана ыштен гынат, уда лийын огыл. Шкемын возымо муремже лу наре уло, манеш.

Кылвер-влак[тӧрлаташ | вики-текстым тӧрлаташ]