Топологий
Топологий (грекла τόπος — вер да грекла λόγος — мут, тунеммаш деч) — математикын кӱрылтдымаш явленийым шымлыше ужашыже. Геометрий могырым ончалме годым, топологийыше объект-влакын метрический свойство-влакышт (мутлан, кок точко кокла кужыт) ончалтме огыт лий. Топологий гыч ончымо годым, кружка ден бублик огыт ойыртемлалт. Топологийыште формо вашталтымаш-влак кӱрылтдымаш да клеитлымаш-влак деч посна ышталтыт.