Слалом
Модмаш нерген
[тӧрлаташ | кодым тӧрлаташ]Курык вуй гыч ӱлыкӧ, лум валчын спортсмен ече дене вола. Корнын кужытшо – 500 метр марте. Корно мучаш марте кок тоя дене капкам ыштен шогалтыме. Спортсмен ече дене корно почеш мунчалтышаш, да лач тиде капка гоч эртышаш. Иктаж могай капкам кода гын – таҥасымаш гыч тудым кораҥдат. Волымо годым спортсмен шагатыште 40 меҥге марте писылыкым поген кертеш.
Эртымгорно
[тӧрлаташ | кодым тӧрлаташ]1767 ийыште Норвегийыште оҥай таҥасымаш эртен. Ечызе-влак курыкышто погыненыт. А курык йыр, курык вуйыштыжат, пушеҥге шогеныт. А могай еҥ чак шогышо пушеҥге кокла гоч курык гыч мунчалтен волен кертеш, да эше ты годым ечыжым ок шалате, да ок сусырго гын – тудо призым налеш. Тудо жапыште, ече-шамыч курык да тыглай ечылан шелалтын огытыл. Да курык гыч мунчалтымашыжат тудо жапыштак веле шыҥдаралташ тӱҥалын, Норвегийын кечывалвелыныже, Телемарк манме верыште. Иктаж шӱдӧ ий эртымеке, тушто икмыше курык-ече клубым чоҥеныт. Христиания олаште (кызыт Осло ола). Тудо жапым мыланна аралалтше термин-влак шарныктат: мутлан савырнымаш-влакым «телемарк» да «Христиания» лӱмдат.
Такшым южо специалист-влак тиде ойлымаш дене огыт келше. Молан манаш гын курыкече дене таҥасымаш Альп курыклаште эрташ тӱҥалыныт. Туге гынат 1905 ий гыч гына. А эртыше курымын 30-шо ийлаштыже тиде спорт тӱрлык дене тӱнямбалсе таҥасымаш-влак эртат.
Тӱрлык-влак
[тӧрлаташ | кодым тӧрлаташ]Слаломын икмыняр тӱрлыкшӧ уло:
- Кугу слалом, тудым йот элысе ылмылаште Слалом-гигант лӱмдат. Тиде таҥасымашыште корнын кужытшо кум меҥге марте шуйнен кертеш.
- Спортсмен ече олмеш лумоҥам (сноубордым) чия гын – тиде вес слалом лиеш. Тыште спортсменым ечызе огыл, сноубордист лӱмдат. Тиде спорт тӱрлык дене Россий кӱкшытысӧ таҥасымаш-влак Ханты-Мансийск олаште эртат.