Сеҥымаш Кече

Википедий — эрыкан энциклопедий гыч материал
(Сеҥымаш кече гыч колтымо)

Сеҥымаш Кече (рушла День Победы) — фашист Германийым шалатыме лӱмеш пайрем. Пайремлан негызым Совет Ушемын Кӱшыл Каҥашын Президиумжо 1945 ий 8 Агаште пыштен. Тиде кечын Совет Ушем фашист Германийын войскажым шалатен да Кугу Авамланде Сар (1941-1945) мучашлалтын. 1941-1945-ше ийлаште, Кугу Ачамланде Сарыште совет калык Фашист Германий ваштареш кучедалын. Тушман шижтарыде керылт пурен, вийжат кугу лийын. Йошкар Армийын вийже дене таҥастарымаште тиде ала-кунар пачаш шукырак. Но туге гынат, мемнан-влак тиде шучко сарыште фашист – влакым кырен шалатеныт. Да Ага тылзын индешымше кечынже кажне ийын Сеҥымаш да сарыште вуйым пыштыше-влакым шарныме кече семын палемдалтеш. 1965-ше ий гыч тиде каныш кече.

Тыгакак тиде кечын Абхазийыште, Азербайджаныште, Арменийыште, Белоруссийыште, Грузийыште, Казахстаныште, Киргизийыште, Молдовышто, Приднестровьеште, Таджикистаныште, Туркменистаныште, Узбекистаныште,Украиныште да Кечывалвел Осетийыште калык кана.

Пайремын эртымгорныжо[тӧрлаташ | кодым тӧрлаташ]

1945 ийыште негызлалтын, 1948 ий гыч паша кечылан шотлалтын. Тидын олмеш каныш кечылан 1 Шорыкйолым ойырымо.

Йошкар площадьысе салют

Туге гынат пайрем шке кӱлешлыкшым йомдарен огыл, открытке-влак пайрем лӱмеш ышталтыныт, фронтовик-влаклан саламмут ойлалтын. Икымше гана Совет Ушемыште 20 ий гыч гына кумдан пайремлалтын. Брежнев годым 1965 ийыште Сеҥымаш кечын юбилейже пайремлалтын, да 9 Агам каныш кече семын палемдыме.