Роман Мусагитов
Мусагитов Роман Тимиршинович 2 январьыште 1981 ийыште Пошкырт кундем Илиш район Анач ялеш шочын кушкын.
Роман Мусагитов 1997 ийыште, Анач кыдалаш школым тунем пытарымек, Благовещенск оласе педагогический колледжыш социальный педагоглан тунемаш пура. 2002 ийыште тунем пытарымек тыштак туныктышылан кодеш. 2004 ийыште Пӱрӧ пединститутым пытарен. Колледж пелен "Келшымаш" куштышо-мурышо ансамбльын вуйлатышыже лийын.
Школышто тунеммыж годым мураш тӱҥалын. Шуко конкурслаште участвоватлен. Регион-влак кокласе "Яндар йӱк", "Ший памаш" конкурс-влакын лауреатше улеш. 2008 - 2016 ийлаште Олег Славин дене пырля Пошкырт, Татарстан, Пермь, Свердловск кундемлаште концерт дене лийын. Концертлаште шке возымо мурыжо-влакымат йоҥгалтарен.
2014 ийын сентябрь тылзе гыч Благовещенск олан 6-шо номеран школышко туныктышылан тӱҥалын.
2021 ий август тылзыште 4 номеран школыш директорлан шогалтеныт.
2021 ий декабрь тылзе гыч МОО МНКА "Эрвел марий" автономийын председательже.
Сентябрь 2022 ий - 5 школышко ОБЖ туныктышылан куснен.
Ешан. Ватыже - Евгения Владиславовна (прокуратура пашаеҥ) ден пырля эргым Егорым да ӱдырым Софьям ончен куштат.