Подольский, Анатолий Анатольевич
| Анатолий Анатольевич Подольский | |
|---|---|
| Анатолий Подольский | |
| Шочмаш дене лӱм | Анатолий Анатольевич Подольский |
| Шочын | 1953 ий 20 сӱрем (71 ий) |
| Шочмо вер | РСФСР, Вологда вел, Никольск кундем, Подольская ял |
| Чап пӧлек да премий |
Марий Эл Республикын Экономикым вияҥдымаш да сатулымаш министерствыжын Чапкагазше (1999) |
Анатолий Подольский (Анатолий Анатольевич Подольский) (1953 сӱрем 20, РСФСР, Вологда вел, Никольск кундем, Подольская ял) — руш серызе, почеламутчо, Россий Cерызе-влак ушемын йыжъеҥже (2006).
Илыш корныжо
[тӧрлаташ | кодым тӧрлаташ]Анатолий Подольский 1953 ийын сӱрем тылзын 20-шо кечынже Вологда вел Никольск кундем Подольская ялеш кресаньык ешеш шочын. Шочмо областьысе Калинин кандашияш школым (1968), Аргуново кыдалаш школым (1970) пытарен. Кӱшыл шинчымашым М.Горький лӱмеш Марий политехнический институтын инженерно-экономический факультетыштыже налын (1975). Ик идалык «Марсельхозмонтаж» трестын Медведевысе ПМК-штыже инженер-экономистлан ыштен. 1976–1977 ийлаште Совет Армийыште служитлен. Запасыш лекмек, 1984 ийыште «Марийскводострой» дирекцийыште да «Марийскмелиораций» УПТК-ште ыштен. Ик идалык МАССР-ысе Паша шотышто госкомитетыште пӧлка начальник лийын. 1985–1988 ийлаште «Реммелиомаш» заводышто, Йошкар-Оласе кинде продукт комбинатыште, «Ладога» кооператив ушемыште (1989–1994) вуйлатыме пашаште лийын. Медведево район администраций вуйлатышын алмаштышыжлан (1994–2001), «Тепличное» ОАО-н генеральный директоржын алмаштышыжлан ыштен. 2002 ий гыч «Первый независимый регистратор» ООО-н Марий филиалжын директоржо.
«Маме» лӱман икымше почеламутшо Вологда областьысе «Авангард» газетыште 1998 ийыште савыкталтын. Студент жапыште пырля тунемме йолташыж-влаклан эпиграммым возкален. Лирикыштат шкенжым терген. Икымше поэзий книгаже – «Меж светом и тенью» – 1999 ийыште лектын. 2002 ийыште Медведево районышто «Медведевский Парнас» поэзий таҥӱчашым чумырен да эртарен. «Сотовый мёд» (Йошкар-Ола”, 2002) альманахыште, «Мы славим, город, имя твоё» (Вологда, 2004) сборникыште савыкталтын.
РМЭ-се Торгайымаш министерствын Чап грамотыж дене палемдалтын (1999). 2006 ий годсек Россий писатель ушемын йыжынъеҥже.
Тӱҥ произведенийже-влак
[тӧрлаташ | кодым тӧрлаташ]- Меж светом и тенью : стихи. Йошкар-Ола, 1999. 40 с.
- Стихи // Сотовый мед. Йошкар-Ола, 2000. С. 121—124.
- Рябиновая тропа : стихи. Йошкар-Ола, 2003. 72 с.
- Деревня наша — как начало...; Полушалок : стихи // Мар. правда. 2006. 19 сент.
- Из света сотканная нить : стихи. Йошкар-Ола, 2005. 72 с.
- Росы распахнутая свежесть : стихи. Йошкар-Ола, 2007. 100 с.
Илышыже да творчествыже нерген литератур
[тӧрлаташ | кодым тӧрлаташ]- Береснева М. «Храни семьи своей радушье..» // Уездные новости. 2004. 15 июля.
- Заузольцева Н. Творческий вечер земляка // Авангард. 2005. 21 июля.
- Алексеева Т. «...И этот мир почти прекрасен, когда я вижу в вас себя» // Инженер. 2006. 15 сент.
- Шалагина Н. В этот пасмурный день нас согрела свеча // Инженер. 2006. 13 окг.
- МБЭ. Йошкар-Ола, 2007. С. 286.
Чап
[тӧрлаташ | кодым тӧрлаташ]- Марий Эл Республикын Экономикым вияҥдымаш да сатулымаш министерствыжын Чапкагазше (1999).
- Россий Cерызе-влак ушемын йыжъеҥже (2006).