Паасилинна, Арто

Арто Паасилинна Москошто, 2007 ий

Арто Тапио Паасилинна (20 вӱдшор 1942, Киттиля, Финляндий) —тӱнямбалсе ик эн палыме финн серызе/писатель. Тудын возымыжо 45 утла тӱрлӧ йылмышке кусарыме, нунын коклаште руш йылмышкат.

Ӱмыргорно

Возымем годым, мый эре кӱзынерыште улмо семын чын лийын кертше ден лийдыме коклаште равновесийым кучаш тӧчем.. Арто Паасилинна

Арто Лапландийыште, Киттиля кундемысе Алакӱла ялыште шочын. Ешыште нуно вич эрге да кок ӱдыр лийыныт. Ачашт полийцейскийлан ыштен, да 1951 ийыште 49 ияш колен колтен. Артон аваже 7 икшыве дене шкетын кодын.

Кужу жап тӱрлӧ газетлаште редакторлан ыштымеке, Арто Паасилинна палыме серызе марте кушкын. Кызытсе финн сылнымут тудын возымыжлан кӧра шинчаш перныше лийшылан шотлалтеш. Артон изаже-влакат - Эрно, Маури да Рейно Паасилинна - сылнымут корным ойырен налыныт.

Арто Паасалиннан икымше кнагаже "Karhunkaataja Ikä-Alpi" лӱм дене 1964. ийыште лектын. Писатель лӱмым серызылан 1975-ше ийыште лекше "Мераҥ ийгот" кнагаже конден. Тудо француз йылмышке кусаралтын, да роман негызеш кок гана экранизироватлалтын. Рушла тиде возыктыш Ольга Морозован савыктымаштыже 2006-шо йыште лектын. Паасилиннан возышыжо почеш икмыняр кином ыштыме да спектакльым шындыме. Икмыняр серымыже комиксышкат кусаралтын. Жапын-жапын серызым кнагаже-влакын икгай сынан улмылан титаклат. Тунамак ала тидланак кӧра тудын возымыжо ятыр лудшылан келша. Кнага-влакым возымо деч посна, Арто Паасилинна газетлашке шонкалымаш статья-влакым савыкта.

Библиографий

• Мераҥ ийгот ( — 1975, рушлашке кусарымаш  — 2006, ISBN 5-98695-012-7)
• Пиалан айдемын шыдыже ( — 1976)
• Сакыме рывыж-влакан чодыра ( — 1983, рушлашке кусарымаш  — 2001, ISBN 5-86712-123-2)
• Кӱдырчӧ Юмын эргыже ( — 1984)
• Ныжылгын аяртыше ӱдыр ( — 1988, рушлашке кусарымаш — 2008, ISBN 978-5-98695-026-6)
• Йолташ-влак коклаште шкендым пуштмаш ( — 1990, рушлашке кусарымаш  — 2006 ISBN 5-98695-019-4)
• Воштылшо ушкалын кеҥежше ( — 1991)
• Пастор Хуусконенын маскаже ( — 1995)
• Адам ден Ева ( — 2000)
• Тӱнясе эн чапле ял ( — 2003)
• Пӧкмӧр серлагыше суксо ( — 2004)
• Йӱштӧ нерве да шокшо вӱр ( — 2006)
• Сарланыше вакшызе ( — 2013, Ольга Морозован руш савыктышыже. ISBN 978-5-98695-058-7)