Ончыко (журнал)

Википедий — эрыкан энциклопедий гыч материал
(Колтымо Ончыко гыч)
Журнал Ончыко логотип.png
Тип

сылнымут да мер-политик журнал

Формат

Формат 60х84.


Тӱҥ редактор

Игорь Геннадьевич Попов

Йылме

марла, рушла

Мыняр гана лектеш

кажне тылзын

Объём

11 усл. печ. лист.

Тӱҥ офис

424000, Марий Эл Республик, Йошкар-Ола, СССР Вооруженный вийын 70-идалыкше лӱмеш урем, 20. Тел./факс: (8362) 45-34-64.

Тираж

2100 экз.


«Ончыко» журналын икымше номерын комжо.

Ончыко — марла-рушла лекше сылнымут да мер-политик журнал. 1926 ий гыч савыкталтеш. Шке лӱмжым ик гана веле огыл вашталтен («У вий», «Родина верч», «Марий альманах»).

Журналыште марий да Марий Элыште илыше серызе, поэт-влакын почеламут, проза да драматургический произведений-влакышт савыкталтыт, тыгак лӱмлӧ тӱвыра пашаеҥ, шанчызе, критик-влакын статьяшт, марий композитор-влакысе произведенийыштын нотышт печатлалтыт. Журналым Марий Эл Республикыште да вес кундемлаште марий-влакын тӱшкан илыме верлаштыт лудыт.

Эртык[тӧрлаташ | вики-текстым тӧрлаташ]

«Ончыко» журналлан негызым «Йошкар кече» газетын пашаеҥже влак — С.Элнет, М.Шкетан, П.Ланов и Э.Савинов пыштеныт.

1926 ий 31 июльышто «У вий» литературно-художественный журнал ош тӱням ужын — «Йошкар кече» (кызытсе «Марий Эл») газет олмеш 20 лаштыкан изи сылнымут книга лийын. Лудшо-влак тудым яра налыныт, 1550 экз. тираже дене лекше журналыште М.Шкетанын, Э.Савиновын, Р.Онарын ойылмашышт-влак, Н.Мухинын, П.Лановын, С.Элнетын почеламутышт-влак савыкталтыныт.

1936 ийыште, репрессий жапыште, журнал ик жаплан лекмым чарнен. 1936 ийыште «У вий» журнал «Пиалан илыш» альманахыш савырнен, 1953 ий мучаш марте савыкталтын.

19421945 ийлаште журнал «Родина верч» маналтын, вара «Марий альманах» лӱм дене савыкталтын. 1942 ийысе нылымше номер гыч тудо ончычсо лӱмжым пӧртылтен — «Пиалан илыш».

1954 ий гыч журнал «Ончыко» лӱм дене лектеш.

Латик ий жапыште (1926-1936 ийлаште) «У вийым» 86 номержым савыктыме гын, сар пагытым авалтыше 16 идалыкыште ныллым гына. 1954 ий гыч журнал «Ончыко» лӱм дене идалыклан куд гана лекташ тӱҥалын, а 1994 ий гыч - кажне тылзын. Тылеч вара тӱҥ редакторлан В. Столяров (Юксерн), А. Асылбаев (Асаев), В. Колумб, Сем. Николаев, А. Юзыкайн ыштеныт. 1988 ий гыч - А. Тимиркаев.

1987 ий Шорыкйол тылзын нылымше кечынже журналым «Знак Почёта орден» дене палемденыт.

Тудым редакцийын тистышкыже РСФСР писатель ушем вуйлатыше Сергей Михалков пижыктен.

Тӱҥ редактор-влак[тӧрлаташ | вики-текстым тӧрлаташ]

Тугак ончо[тӧрлаташ | вики-текстым тӧрлаташ]

Кылвер-влак[тӧрлаташ | вики-текстым тӧрлаташ]